蘇潮韓海火鍋私房菜

营业中

休息中

荃湾呢间火锅店位于大鸿辉， 地理位置十分方便。 餐厅有唔同嘅独立vip房，喺疫情严峻嘅时候独立房真系令人觉得安心好多，尤其是打边炉嘅时候，唔使惊会因为隔离枱，咁容易受感染。汤底方面具有好多唔同汤底选择， 最后我哋决定叫萝卜牛腩汤底， 十分欣赏佢嘅料好多， 牛腩煲到好林， 萝卜亦都冇苦味。佢哋招呼好好， 调配酱料嘅酱料拼盆会亲自送嚟畀我哋自己捞。我哋叫咗一个蔬菜拼盘， 上等手切牛腹肉， 招牌四色拼手作饺， 台湾新鲜鸭血， 新鲜炸腐皮。 不得不赞佢嘅蔬菜拼盘超抵食，里面有四五款蔬菜而且劲大盘食到好饱。 而佢嘅上等手切牛腹肉亦都好新鲜 ，牛腹肉切到好薄，牛味好重。 最欣赏佢嘅新鲜炸腐皮其实即系响铃，新鲜炸系唔同啲，佢比现成响铃更薄更脆， 入口即化。 佢嘅新鲜鸭血亦都好好味， 口感一流。 值得一赞系佢嘅招牌四色拼手作饺，料好多，味道亦唔错。