蘇潮韓海火鍋私房菜

营业中

休息中

荃灣必食1蚊雞煲 - 蘇潮韓海火鍋私房菜香港人一年四季都愛去打邊爐，現在天氣仍然冷冷的，這天CK在荃灣下班後就相約好友珊珊到大鴻輝的蘇潮韓海火鍋．私房菜補慶祝生日，嘗嘗聞名已久的1蚊雞煲 ! 蘇潮韓海火鍋．私房菜餐設有獨立包廂，最低$250起就可以包廂，玩足8小時，一次過滿足大家火鍋、打麻雀、唱K、開派對的慾望！而推出的$1雞煲已有一段時間，3款雞鍋任客人選擇：鮮椰子雞鍋、花雕藥膳醉雞鍋、路邊雞煲，全日無限量供應，全部都非常吸引！餐廳有過百款火鍋配料，每日由流浮山及香港仔直送的海鮮更可以自選多種煮法，如火鍋、刺身、椒鹽、清蒸等，選擇多！這次CK選了1蚊鮮椰子雞鍋﹑椒鹽栗米﹑上等手切安格斯牛小排﹑白柏葉﹑招牌手打澳洲和牛丸﹑蟹子墨魚丸，椰子雞鍋現場直接加入新鮮椰子汁煮成，香氣四溢，令人食慾大增 ! 椒鹽栗米在其他地方比較少見，口感特別，像吃提子乾。安格斯牛小排味道濃郁，肉質幼嫩，肉汁豐富，其脂肪分佈均勻，呈大理石花紋，口感細緻香甜多汁 ! 招牌手打澳洲和牛丸以新鮮和牛而成，混入適量牛根增強口感份外多汁，肉汁鮮甜帶牛味蟹子墨魚丸由上乘的墨魚柳及魷魚柳製成，內裡包了黃澄澄的蟹子。 入口時先是

叫了雞煲d雞又少 叫了刺身但完全冇價錢既質素 員工態度差 落個單都要差態度咁話掃code 真係冇下次 價錢同食物質素完全不相符 雞煲唔入味 百香果特飲48蚊杯 加幾粒百香果然後全部果汁 冇味道得個甜字 體驗很差

天氣冷，所以決定約一班朋友去食羊腩煲及火鍋。上到去環境舒服，先點了羊腩煲及棷子雞火鍋湯底。羊腩煲好正，有肥有瘦，配料非常充足。味道也好味。棷子湯底正常，但和牛手打丸及蟹子墨魚丸非常正。有機會，會再同朋友去食。

放sem break, 同學約出嚟輕鬆下，話去荃灣搵食，好耐無嚟，原本見lee個有劣評，有d驚，不過對食有要求嘅同學推介，就試試...仲要有K唱，開心，唱K當然要飲嘢，有特大飲品，爽，8人叫咗三款煲（雞、羊腩、豬骨），羊腩最驚喜，仲加咗料Bino，試完，可以再嚟

其實大鴻輝都試過唔少間舖，呢間都係抱住朋友叫就去，無特別期望，不過朋友話有人負皮過呢間，我食完真係唔覺有任何負評可以俾，當然唔係好突出嘅食物，但一定係屬於好食嘅一間，羊腩煲係好食嘅，我本人唔鐘意蚊得太林嗰啲，呢間軟硬適中，枝竹羊腩份量足夠，特別鐘意佢多葱多馬蹄，椰子雞湯底夠濃郁，和牛丸足料大粒，總體食材新鮮，檸茶大杯夠陪我邊食邊飲，房間夠大舒服有K唱，加上係頂樓，喺窗口間中望下街景都幾舒服，朋友相聚好地方，價錢合理每人二百幾蚊。

嘩！嘩！嘩！朋友推薦黎試下呢間的椰子雞。。。真係冇介紹錯！啖啖都好食！雞湯清甜，雞件好滑，仲有雞腳！湯底有粟米，椰子特別有驚喜，食落非常香口！職店話係用印度椰子！可見湯底用料都好講究！湯頭飲落好舒服！另外叫左牛丸、墨魚丸、黃金響鈴！覺得同平時出面食的不同！似是自家製的！牛丸有鮮味！墨魚丸上面有蟹子幾過隱！黃金響鈴是新鮮熱辣辣的！最後，我地帶左個蛋糕上黎，準備慶祝生日，感謝職員好好地幫我地儲存，仲祝壽星生日快樂今時今日識待客之道的餐廳，都算難得啦

大鴻輝一向出名多餐廳，偶然發現位於頂樓有間私房菜，一入店內同其他樓層放題熱鬧氣氛唔同，呢到係走比較高格調同優雅的路線，獲安排坐窗邊卡位，望出去一流的城市美景！我地2口子叫左一個雞煲，一份手切牛肉，一個菜籃！人均$300左右，但覺得物超所值！先黎自己混下醬，一般蔥蒜辣椒之外，仲有個XO醬幾特別的！必試大檸茶，茶底好正！雞煲個醬汁唔錯，唔會死咸同得個辣字，仲保留到雞的鮮味，同洋蔥的鮮甜！牛肉都好高質！

26／11 經openrice訂了四位中午飲茶， 當天是第二次去， 第一次去飲茶是十一月中，因為樓下派傳單見有點心吃，而且惠顧滿 ＄100便可以成為會員，下次光顧可免費送 贈蝦餃一籠， 所以很快便帶朋友再上去幫趁。餐廳環境寬敞，觀景開揚， 確實是三兩知己良朋共聚的好地方。但當坐下後問服務員，她說暫停供應“ 贈送蝦餃一籠”，覺得有點愕然， 不過她有另外一個 offer ，就是蝦餃配一樣指定點心就＄40， 就此作罷。 一星期後我上openrice查看紀錄， 餐廳的紀錄是我缺席了， 所以得不到積分， 感覺有點氣憤。 平心而論 ，餐廳環境和食物都值得推介，但有點不滿他們的經營手法。

如題朋友生日見佢有得包房打邊爐+唱k+有麻雀枱，book左12位去食啦。一去到已經聞到好大陣渠味，叫左staff入黎睇睇，佢就聞左兩下之後先拎左幾個細嘅香薰座入嚟，但完全無用蓋唔過啲臭味。其實房入邊已經有兩部好大嘅抽風機/空氣清新機開大左，但都無用。成餐飯就係聞住啲惡臭咁食，有問過可唔可以調房但佢話全部full晒。野食黎講就普通，價錢係偏高，食物質素完全唔值呢個價錢。可能加埋臭味食咩都會難食左😅 最尾同佢講左一大輪先比左個9折，埋單都要7694，人均642。絕不推薦。

約左好耐冇見嘅朋友食飯聚舊，坐lift已經被個夜間吸引埋，入到嚟覺得整體環境好好、寬敞完全唔逼擠，啲staff又好好service!重點係全單七折之餘啲餸又唔馬虎，性價比高！值得推介BTW廁所亦都好乾淨

置身繁忙的都市，難免有煩心瑣事纏身，但也要及時調整情緒，享受快樂時光！我跟朋友都喜歡到這間火鍋私房菜，這裡不止可以享受美食，還可以高歌一曲，麻雀聯誼，盡情的放鬆！地方超級寬敞，坐得舒適，服務nice，擁有多間豪華包房，麻雀房！多款火鍋湯底，刺身可以選擇，小吃特好吃的！必點湯底很多，我原本想點花菇鮑魚鵝掌煲的，誰知道原來要提前3天預定，最後點了個胡椒鹹菜豬肚鍋，暖煖胃，湯底口感獨特，豬肚份量足，脆爽彈牙，層次豐富，適合經常喝酒熬夜的朋友！上等手切安格斯牛小排，肥瘦分明，肉質鮮嫩，口感軟韌，每一口都是風味濃郁，牛味十足！什錦刺身拼盤，色澤鮮亮誘人，肉質細嫩，口感鮮美！這家牛胸爽超好吃的，口感：脆而爽口，韌勁十足，不肥膩菇！另外脆皖魚骨腩，椒鹽三文魚頭骨腩都是小華華推薦的喔！

話說有次朋友說，帶筆者到大鴻輝那坐大厦吃火鍋，筆者第一句: say No, 原因是，不想在大堂排隊坐升降機，更唔願意兩個鐘頭任食，筆者一向覺得，與朋友飯局，食一餐少一餐，好好享受每次飯聚時光，為何要匆匆趕趕之下，兩小時內，草草了事完成一餐飯？朋友笑說叫我冷靜啲⋯⋯於是筆者就跟隨著一起上路。這店在大鴻輝21樓，幸好在人氣任食的另一邊廂，所以在大堂不用排長龍⋯⋯重陽節，未天黑就到來，如坐大堂中坐除海鮮外，餐牌七折。店員帶路入座時，路過見廳房都幾舒適，店員告知還有雀局，由於廳房，所以沒有七折。自助醬料Bar ,還有中華沙律小食及白飯任吃。值得一提，朋友不喜酒精飲品，店內有一大杯冰杯檸樂及檸七$36/杯，可以悠悠閒閒慢慢飲，朋友很喜歡，但筆者忘了拍那大杯飲品。但這免費的下酒小吃:中華沙律、麻辣豬耳及金錢肚雖然少少哋得來有驚喜。湯底都算多選擇⋯⋯店員主動地叫在FB 內按讚，就加送潮州三寶的下酒小食。上等手切安格斯牛小排$338(大)~愛人喜歡牛。椒鹽三文魚骨$58~下酒小吃，不錯。鵝腸及黑魚膠筆者欣賞店內有一角落，是方便講電話，如大堂大過嘈吵的話，可以走到這角落，還有一張梳化椅，方便傾電話之用。

呢間如果keep住OpenRice訂座有七折我應該會次次打邊爐都黎呢度😙👍🏻▫️環境：坐得好舒服 Sofa位 闊落到▫️食物：新鮮 牛有牛味 湯料都唔少，今次仲有免費麻辣豬耳、牛肚、中華沙律任食▫️職員服務：保持到好好既態度🫶🏻 同我第一次黎一樣▫️衛生：洗手間都無臭味，地唔滑，出面拎野食既碗碟仲係熱既，應該滾水淥過▫️總結：平、靚、正，性價比極高我驚大家睇完呢個post之後我會book唔到位添😹😹😹😹😹😹

約左好耐無見的舊同事，當然要食好少少，又要坐得舒服方便傾下計，係op搵到一間隱世私房菜和火鍋，岩晒朋友。#精選刺身拼盤：三文魚、大拖羅、希靈魚和帶子刺身新鮮，質地鮮嫩，帶有淡淡的海鮮香氣，每一口都令人愉悅。它們的鮮美口感絕對能夠滿足刺身愛好者的味蕾。重點推介：#精選2至4人火鍋餐冰豆腐清湯底，清爽而不油膩，豆腐柔軟細嫩，湯料十分豐富，好正#美國榖飼肥牛肥牛肉質鮮嫩多汁，入口即化，帶有濃郁的牛肉香氣。在火鍋中涮煮後，肉質更加鮮美。#招牌四式拼: 手工蝦餃、雲吞、餃子和菜肉餃用心製作的，皮薄餡多，口感彈牙，味道鮮美。每一種小吃都有其獨特的風味，讓人愛不釋手。#手打四寶丸: 蝦丸、潮洲白魚蛋、爽彈牛筋丸和豬肉丸彈牙十足，口感細緻，肉汁鮮美，增添了火鍋的風味。#魚皮餃+廚師腸+ 雜菜拼盤魚皮餃外皮酥脆，內餡鮮嫩多汁；雜菜款式多，新鮮好味。#桂花蚌蚌肉鮮嫩，搭配桂花的香氣，口感鮮美，仲要份量十足，必試。整個用餐體驗愉悅，環境舒適整潔，讓人感到放鬆與舒適，朋友盛讚好👍🏻。離開時先發現火鍋單點全部七折，好化算，下次可以再來試下其他菜式。

話咁快又到happy Friday，辛苦左一個禮拜，我同朋友都諗住好好獎賞自己，所以今日我哋揀咗嚟到荃灣一間刺身火鍋私房菜食晚飯😃😃😃我哋揀咗佢哋嘅4人火鍋刺身套餐，套餐包括有：#精選刺身拼盤#冰豆腐清湯底火鍋 (可以雙併)#美國穀飼肥牛#桂花蚌 #招牌四色拼: 手工蝦餃、雲吞、餃子、菜肉手工餃#手打四寶丸: 爽彈牛筋丸、潮州白魚蛋、蝦丸、手工丸#雜菜拼盤 頭盤，頭盤係一個超正嘅刺生精選！就係三文魚腩、希靈魚、吞拿魚同帶子，食材新鮮，肉質嫩滑，每一口都鮮味十足。吞拿魚厚實又肥美，令人口齒留香。佢哋嘅希靈魚肉質緊實，有韌度，每一口都充滿咗魚嘅鮮味同香氣，食落就好有質感！帶子鮮甜，入口即溶，正👍🏻火鍋非常真材實料！啲牛丸一咬就爆出好多肉汁，真係超享受，佢哋嘅美國肥牛好鮮嫩，牛肉味好濃郁，真係令人味蕾為之一振！啲火鍋湯都好正，清甜又滋味。湯底煮得夠耐，充滿豬骨嘅香氣！而且，呢度啲桂花蚌口感好特別，蚌肉鮮甜多汁，質感軟滑，每一口都好有爽勁！總括嚟講，呢度嘅手打牛丸﹑桂花蚌﹑剌身都係一個不容錯過嘅食物！食材新鮮，多款選擇，環境舒適，絕對係一個打邊路，三五知己聚舊的好去處！