陳師傅點心專門店 (已搬遷) 新店位置

夜晚未食饭，返咗母校附近行下，成个新蒲岗真喺改变好多，读书时代成条景福街都只喺卖五金同原材料，依家餐厅已经林立，变咗成条食街咁。参观完母校之后，喺附近揾野食！时间已经唔早，又唔想食咁多落肚，所以揾咗点心舖试下。我哋叫咗比较大路嘅点心。例如《鲍汁鲜竹卷》、《鱼子烧卖皇》、《精制虾饺皇》、《山竹牛肉球》、《流沙黄金堆仔》、《蜜汁叉烧包》、《陈皮牛肉肠》。虽然大路，但每样点心都各有特色，口感同味道都特别出色，而且用料十足，每样点心比一般茶楼都大件好多！听老板娘，原来师傅以前喺酒店做过，唔怪得特别零舍不同！经老板娘拍板推荐之下，叫咗佢哋主打嘅《脆皮银丝肠》！卖相虽然只喺一条普通嘅肠粉，但食落有两份口感，内里有一层好薄脆身嘅皮，而且有种清新的感觉，非常特别！依个主打嘅《脆皮银丝肠》真喺藉得推介。问咗老板娘几次层脆喺咩黎，不过都喺唔肯讲！咁紧喺啦，主打菜色㖞！下次路过新蒲岗，真喺藉得黎试一试！