ICONIC H 特色熱狗店 (已搬遷) 新店位置

本来专程去红墈食时新快餐店，点知冇开。唯有打开openrice睇下有冇类似嘅开饭热点，一下就见到呢间距离不远嘅热狗店。中午时分杀到，里面虽然只有五个位，但系人唔多，仲有一个位俾我入到去。作为爱牛人，一见到和牛两只字就顶唔顺，即叫咗个和牛热狗套餐。套餐可跟薯条或沙律。怕肥要咗沙律，不过有啲后悔，个沙律劲hea，得几块生菜同少少粟米粒。说时迟那时快，热狗到！上面一片和牛汉堡扒切开两半，下面配上菠萝片，成个包放满芝士，卖相几令人口水直流。不过热狗除咗热狗包中间个空位之外，其他地方其实唔系咁适合再放嘢食，所以呢个热狗，好难成个拎起嚟食，因为啲牛同菠萝都会摇摇欲坠。因此，唯有饮恨分解个包黎食。首先，呢块和牛汉堡扒，真系和牛嚟，一咬落去啲牛肉香味就出晒嚟，而且块肉冇煎到全熟，入面仲有少少红色，有晒惹味。而且外面煎得够老，令到成块扒个口感好有层次，好正。其次…… 成个热狗都真系几好食嘅：芝士香，包够实，而条法兰克福肠都唔错。大家见我咁讲都知，我嘅重点只在块牛，而非在个热狗。老老实实，成旧水买个热狗，真系有啲唔抵，虽然整体上尚算出色，值唔值呢个价值得考虑。另外就系向个热狗上面放咁多嘢，其实都好难成旧咁