影片
更多
2024-12-09
837 浏览
渔乐场 (荃湾)特色烧烤 现场表演live band Music呢晚同朋友去咗荃湾一间超有特色嘅烧烤店，呢度唔单止有烧烤食，仲有Live Band Music表演，现场气氛真系一流！装修用咗旧香港嘅风格，好似行返去六七十年代咁，有种怀旧嘅豪华感，真系好啱一班朋友嚟聚会吹水，成晚都好high！以下就系我哋试过嘅几款菜式：老坛酸菜鱼（2人份）$198呢个酸菜鱼系成晚最大亮点！鱼肉嫩滑，完全冇腥味，酸菜汤底煮得超入味，酸香得嚟带少少辣劲，非常开胃。一边食鱼一边饮啲汤，真系好满足。呢个份量啱啱好够两个人分，推荐必点！樱花虾鲮鱼球 $78鲮鱼球炸得外脆内嫩，仲加咗樱花虾，咬落去有阵阵虾香，非常惹味。配埋店家特制嘅酱汁，味道更加丰富，一口一粒，停唔到口！烧大大茄子（份）$38烧茄子系烧烤必食嘅菜式之一，呢个烧茄子做得非常好，烧到外皮微焦，内里软腍香滑，仲淋上咗蒜蓉同特制酱汁，香味十足，价钱亦都非常亲民，性价比高！五花腩（2串）$30五花腩系烧烤嘅经典，呢度嘅五花腩串烧到油脂微微渗出，外脆内嫩，盐香味同烧烤炭香味结合得好完美。食落去完全唔腻，$30两串真系好抵食。超级水果茶 $45饮品方面我哋拣咗超
特色烧烤 现场表演live band Music
呢晚同朋友去咗荃湾一间超有特色嘅烧烤店，呢度唔单止有烧烤食，仲有Live Band Music表演，现场气氛真系一流！装修用咗旧香港嘅风格，好似行返去六七十年代咁，有种怀旧嘅豪华感，真系好啱一班朋友嚟聚会吹水，成晚都好high！以下就系我哋试过嘅几款菜式：
老坛酸菜鱼（2人份）$198
呢个酸菜鱼系成晚最大亮点！鱼肉嫩滑，完全冇腥味，酸菜汤底煮得超入味，酸香得嚟带少少辣劲，非常开胃。一边食鱼一边饮啲汤，真系好满足。呢个份量啱啱好够两个人分，推荐必点！
樱花虾鲮鱼球 $78
鲮鱼球炸得外脆内嫩，仲加咗樱花虾，咬落去有阵阵虾香，非常惹味。配埋店家特制嘅酱汁，味道更加丰富，一口一粒，停唔到口！
烧大大茄子（份）$38
烧茄子系烧烤必食嘅菜式之一，呢个烧茄子做得非常好，烧到外皮微焦，内里软腍香滑，仲淋上咗蒜蓉同特制酱汁，香味十足，价钱亦都非常亲民，性价比高！
五花腩（2串）$30
五花腩系烧烤嘅经典，呢度嘅五花腩串烧到油脂微微渗出，外脆内嫩，盐香味同烧烤炭香味结合得好完美。食落去完全唔腻，$30两串真系好抵食。
超级水果茶 $45
饮品方面我哋拣咗超级水果茶，呢杯真系又大杯又多水果，酸酸甜甜好清新，饮落去非常解渴，特别啱配住烧烤食，非常推荐。
Hoegaarden 500ml $88.00 / 3L $428.00
如果你系啤酒迷，呢度嘅Hoegaarden真系必试！500ml嘅份量啱啱好，冰冻啤酒配烧烤简直系绝配。而且如果一班朋友嚟，可以叫3L嘅桶装，饮住啤酒听住现场Live Band，气氛直接拉满！
😋静静鸡指数 🐥🐥🐥🐣🥚
🔂再偷食指数 ✅✅✅✅☑️
💲减荷包指数 💸💵💵💵💵
——————————————————
店舖资料
📍 荃湾众安街55号大鸿辉(荃湾)中心6楼
#eatstealthily #静静鸡食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #asianfood #hkig #hkfoodie
特色烧烤 现场表演live band Music
张贴
