糕點時光

营业中

休息中

北角呢间Cafe主打香港怀旧美食，装修同摆设都特登配合旧时嘅香港冰室。除此之外，佢仲系一间社企餐厅，所以今日特登去支持一下。佢哋虽然系买啲怀旧食物，但系加入咗少少新意喺入面🍊玩味剥皮橘子包个包成个橙咁样，仲可以帮佢剥皮㖞。个包入边就系橙味嘅馅，的确够好玩。🫔DIY动手包糖葱饼拼盘好耐冇食过糖葱饼啦，仲以为失传咗。呢度除咗可以你自己包之外，仲有三只口味。有传统嘅花生椰丝，仲有肉松。最特别嘅就系爆炸糖，有酸酸地嘅生果味夹埋又几好食㖞。🍡开心果脆脆糖不甩呢个糖不甩成个台式麻糬咁样，黐满晒开心果碎之后再点浓浓嘅开心果酱。每一啖都系开心果味，个糯米皮又唔会太过硬，认真真系几好食嘅糯米丸子艾草拿铁唔知大家知唔知嗌草系乜，呢只味会喺中医舖入边闻到。原来艾草温经活血，可以促进血液循环。而家沟埋牛奶又真系几特别。