ICHU

营业中

休息中

终于试到呢间特色秘鲁菜😍佢新开𠮶阵已经想试！我对秘鲁菜嘅印象系 Ceviche（柠汁腌鱼生），呢款前菜个汁调得偏酸，另一款Salmon Tiradito更合口味，三文鱼切片配上了特制酱汁同柠檬汁，好开胃，味道更加平衡，好想食多几块🥰另一款前菜系沙律，绿色同红色藜麦分别系用菠菜同红菜头加秘鲁嘅植物煮出嚟，好特别，可能听到沙律个名无咩期待，食落呢款反而最有惊喜！🙈🥗主菜果断拣烤鸡Pollo a la Brasa🍗，金黄色嘅鸡皮真系好吸引!! 再加上甜甜哋嘅酱汁好夹，食埋腌紫椰菜解腻就perfect。秘鲁甜品一样有惊喜，可能系我第一次食haha。Tres leches cake（炼奶蛋糕）系中南美洲嘅甜品之一，1/3个蛋糕浸咗落奶度，食落好湿润，第一啖觉得有啲奇怪，之后就钟意咗，再加糖姜丝同透明条条一齐食几得意（有啲似珍多冰/槐花粉）。另外仲试咗香蕉布丁配芝麻雪糕，个布丁同我幻想好唔同，我以为系日本/西班牙果种😭 食落好似冰花炖蛋咁，唔系软滑质地。