雲魅 (已結業)

出开旺角专登book呢间试试佢个砂锅米线，唔知系咪book咗嘅关系，安排咗窗口位畀我哋，18楼望出去几开扬，而佢嘅装修系简约竹林风，坐得几舒服。下昼有午市套餐，第一次嚟嗌咗前菜：傣族手撕鬼鸡、主食：云魅特色汤七彩面、饮品：青柠姜蜜。手撕鸡整得好入味，推介👍🏻不过佢捞咗少量芫茜，唔食芫茜就要自己夹走佢喇。到主菜，嚟到见个砂锅入面个汤仲翻滚紧，即刻拎电话出嚟录低咗😂佢啲𩠌同配菜全部用豉油碟装住，侍应都有细心同我哋讲啲肉要放咗落去先，另外其中一个配菜鹌鹑蛋放落去会变咗半熟，好味！整体嚟讲，自己将啲材料放落去就好似打边炉咁，咁样食米线都系第一次，感觉几新鲜，食完个汤都仲出紧烟，冬天嚟食应该更加正。