文樂園 (已結業)

今日行开旺角窝打老道一带发现有间几得意的外卖点心店， 感觉好怀旧，原来已经有多年历史。花胶灌汤饺保温设计值得赞赏，杯内放咗一个锡纸兜，保温唔错，返到屋企仲热辣辣 。 浓浓的汤浸着好大只灌汤饺，馅料丰富，除咗有肉、菇类、素翅、仲食到少少花胶tim。汤好好味好浓味冇味精， 全部饮光也唔会觉得口喝。黑松露波波原来即系素菜饺，入面加咗黑松露的关系，食起上嚟唔会太寡。木耳香菇素烧卖一份有四粒，原来用咗新猪肉加咗木耳，食落感觉好健康。层层姜汁糕姜味好浓，一层一层，考功夫之作。蜂巢糕必试之选，因为出面唔系咁多地方有得食，口感好得意， 有蜂巢的感觉，烟烟靭靭，甜甜的，值得一试。