樓下冰室

营业中

休息中

今日去左荃湾买野，买到肚饿就嚟到呢间茶餐厅食饭，啲装修都几有传统香港feel，职员都好有礼貌，好快安排左我哋坐卡位。夜晚都keep住有客人嚟食，买外卖都唔少，应该都有保证。我哋叫左一个焗猪扒饭同口水鸡米线。两个都好大份。猪扒饭块猪扒好厚，食得出无落松肉粉，饭系炒饭底，有成两三碗饭咁大份，茄汁都好香口。个米线都好大碗，鸡都有好多肉食，口水汁辣辣地好开胃。另外我哋叫左两个小食，有三只瑞士鸡全翼同八只炸韮菜饺子，鸡翼好入味，啲肉好好食。饺子就粒粒饱满，炸得好脆口。最后加左两杯餐饮，冻柠茶同红豆冰，两个都好大杯，唔会太甜。埋单二百蚊左右，有机会可以一试！