老虎冰室

营业中

休息中

今日去咗屯门拜年，入到屯门饿饿地就揾咗间茶记医下肚先，新年会有新年嘅lunch menu，全部名称都好有意头，如万事如意、龙精虎猛、诸事顺利、金鸡报喜、大吉大利同金玉满堂，我地就拣咗金鸡报喜，其实系霸皇鸡，餐系跟一碗白饭同一杯热饮，另外我地加配咗小食叫老虎黄金四宝，四宝系咖喱鱼蛋、水鱿鱼、牛柏叶同萝卜，咖喱辣辣地几惹味。除咗午餐外，呢到都有啲特色小食，我地拣咗鳗鱼滑蛋炸热狗试下，首先呢个炸热狗卖相超级吸引，但吾止睇得，连味道都超赞，热狗炸到外脆内软，铺面嘅滑蛋好嫩滑，仲要有成条鳗鱼，$68呢价钱性价比非常高。