Teru Teru Bōzu (已結業)

男朋友极爱日本菜，所以我地成日四出寻觅好食既日本料理餐厅。今次黎到铜锣湾既Teru Teru Bozu，餐厅走日式居酒居风格，坐系吧枱可以见住厨师大显身手，功架十足。推荐👍🏻烤鹿儿岛黑毛和牛($158)颜色粉嫩既半生熟和牛轻躺低洋葱上，配以两款秘制酱汁。不愧系鹿儿岛既黑毛和牛，口感鲜嫩，肉质软绵绵，有入口即融之感，配以洋葱一同进食，味道更丰富。两款酱汁口味不⼀，一款偏酸，一款偏甜，而我偏爱带酸既酱汁，开胃解腻之余，更能突显和牛既鲜味。推荐👍🏻黑糖汁豚角煮黑糖汁系呢道菜既灵魂，香浓带甜。而萝卜同豚角软稔入味，各款食物吸收晒酱汁既精华，味道唔错。照烧油甘萝卜($128)酱汁浓厚较稠身，个人认为如果冇咁浓味会较好，稍微遮盖左油甘鱼本来既鲜味。蒸黑毛猪肉($108)配以三款酱汁，各有特色。而且附上多款蔬菜及菇类，感觉够晒清新健康！推荐👍🏻三文鱼亲子蒸笼饭($128)呢度既蒸笼饭的确系不得不试！三文鱼籽粒粒爽口多汁，三文鱼鱼香满溢，米饭粒粒分明，较干身兼有三文鱼香。松叶蟹蒸蛋($78)口感滑溜，三文鱼籽同松叶蟹好搭配。