Tapa Room (已結業)

平时经过山林道都见到好多食肆，行行吓见到一间楼上嘅西班牙菜，一于去试吓，果然有惊喜有个系2021既menu，叫咗四款前菜试下第一个系海胆汁墨鱼汁烧蚝，蚝真系好好大只，成只碟咁大，个人钟意海胆汁𠮶一只多啲，因为海胆汁好香不过同行友人觉得墨鱼汁好啲，因为唔会盖过蚝嘅香味跟住叫咗𩽾𩾌鱼肝，配埋罗勒些利酒醋渍汁，本身我唔系几钟意鱼肝，但系我爱上左个汁好特别跟住就系黑毛豚肉烧，肉同埋脂肪比例啱啱好，好juicy，彼卡他酱好出色，带起肉既味最后就系柑橘果汁浸渍珍宝北海道带子，呢个真系超级推介，个汁好开胃，酸酸地甜甜地，带子亦都好大只，出边煎过，入面爽甜，煎得啱啱好，带子面头有少少盐粒，咸咸甜甜主菜叫咗黑毛猪鞍配薯粒，首先讲咗薯粒先，全部热辣辣脆卜卜，超级好食！！一黎到已经急不及待食晒啲薯粒另外猪鞍叫左7成熟，好香，好多汁，调味亦都做得啱啱好今次拣既两杯cocktail都好出色，如果女仔嘅话，我推介有抹茶𠮶一杯，个棉花糖好靓，成杯饮品亦都容易入口～另外一杯有个新鲜无花果，有布冧既香味，大家都可以试吓