Soul9+ (已結業)

印象中真系冇乜几何嚟到北角食饭，原来依家系地铁站附近都有咁多餐厅，地铁站B4出口行几步就系，都几方便！之前上网见到呢间餐厅啲食物好精致，所以好想过嚟试吓，今晚终于有机会啦！先来小食有柠檬鸡翼，柠檬味就唔系太重，不过炸得几薄，尤其香脆。鸡软骨饺子，几有咬口。章鱼小丸子，细细粒，外皮几脆，而且呢个摆碟都几吸睛。海胆烟熏玉子烧，基本上个个嚟到都会叫，因为实在太靓喇！一上枱有个透明盅罩住，一打开就有烟熏效果，真系好靓。味道方面，玉子烧好有烟熏味，而且份量都几大分，可以几个人share。主菜有海胆鹅肝黑松露意大利饭，一次过满足晒你三个愿望！海胆鲜甜，鹅肝够大块，黑松露沟埋意大利饭食好夹。鲜带子意粉，卖相几吸引，带子够大粒，而且新鲜。