影片
更多
2022-07-30
67 浏览
又嚟介绍特色餐厅喇🥢！唔知大家觉唔觉得呢排好热呢🥵。就系因为咁热，所以都会想揾返啲食落会比较消暑嘅正餐🥰。今次就想同大家介绍一间越南菜餐厅，当中我嗌嘅嘢食都真系几消暑下㗎🤭。一齐嚟睇吓我𠮶日叫咗啲咩食啦🤤！环境方面☝🏻餐厅整体都几有空间感👍。而我有个位好欣赏嘅就系喺张枱度会摆齐晒调味料😎，例如是拉差辣椒酱同埋海鲜酱。所以喺呢方面都唔需要特登问职员再攞调味料😋。当中仲有最具越式风味嘅鱼露，绝对值得一试。同埋餐厅个位置系喺铜锣湾，所以其实都几就脚㗎！食物方面✌🏻#黑白胡椒蛋白肥牛粒炒饭（$128）首先想介绍嘅系其中一份我系𠮶日食嘅主食🤩。其实就咁睇卖相，我已经觉得佢系一个成功嘅炒饭❤️。就咁睇就已经见到碟炒饭系粒粒分明嘅，唔会有太多嘅水份喺炒饭入边🥳。讲吓个味道先，我自己觉得个炒饭都炒得几有镬气，同埋整体炒饭个口感都几match😋，无论系饭粒、肥牛粒定系蛋白都好有口感😬。#扎肉捞檬（$65）跟住要介绍嘅就真系消暑必备嘅主食啦🥵，佢就系越式捞檬啦😚。每逢夏天我都会忍唔住食，因为真系太消暑啦！食之前加埋餐厅嘅特色甜酸汁嚟捞，即刻令到成碗檬粉变得更加吸引🤩。讲返个味道先，我自己觉得个扎肉都几有特色
唔知大家觉唔觉得呢排好热呢🥵。就系因为咁热，所以都会想揾返啲食落会比较消暑嘅正餐🥰。今次就想同大家介绍一间越南菜餐厅，当中我嗌嘅嘢食都真系几消暑下㗎🤭。一齐嚟睇吓我𠮶日叫咗啲咩食啦🤤！
环境方面☝🏻
餐厅整体都几有空间感👍。而我有个位好欣赏嘅就系喺张枱度会摆齐晒调味料😎，例如是拉差辣椒酱同埋海鲜酱。所以喺呢方面都唔需要特登问职员再攞调味料😋。当中仲有最具越式风味嘅鱼露，绝对值得一试。同埋餐厅个位置系喺铜锣湾，所以其实都几就脚㗎！
食物方面✌🏻
#黑白胡椒蛋白肥牛粒炒饭（$128）
首先想介绍嘅系其中一份我系𠮶日食嘅主食🤩。其实就咁睇卖相，我已经觉得佢系一个成功嘅炒饭❤️。就咁睇就已经见到碟炒饭系粒粒分明嘅，唔会有太多嘅水份喺炒饭入边🥳。讲吓个味道先，我自己觉得个炒饭都炒得几有镬气，同埋整体炒饭个口感都几match😋，无论系饭粒、肥牛粒定系蛋白都好有口感😬。
#扎肉捞檬（$65）
跟住要介绍嘅就真系消暑必备嘅主食啦🥵，佢就系越式捞檬啦😚。每逢夏天我都会忍唔住食，因为真系太消暑啦！食之前加埋餐厅嘅特色甜酸汁嚟捞，即刻令到成碗檬粉变得更加吸引🤩。讲返个味道先，我自己觉得个扎肉都几有特色😜，咬落个口感都几弹牙😬，同埋我觉得都算大件。至于檬粉嘅份量都几足够，绝对系为呢个天气度身订造嘅一个主食🤣。
#越式炸春卷配生菜 ($48)
之后就介绍我𠮶日食嘅小食啦😎。首先要介绍嘅系一个我觉得都几特别嘅小食，就系越式炸春卷啦。就咁睇个卖相就已经吸引到我，远睇其实都有少少似竹笙😂。但系食落就同竹笙有好大分别啦🥳，大家记得食嘅时候要配埋生菜一齐食，成个体验会更加良好㗎！
#咸蛋黄薯条（$35）
而第二款我想介绍嘅小食就系呢一份咸蛋黄薯条🍟。如果大家有睇开我平时嘅post，就知道我有几钟意食薯条啦😍。个人认为今次我识嘅呢个咸蛋黄薯条绝对高质☺️，首先薯条真系炸得好香，咬落个口感都好实在，唔会出现薯条空心嘅问题👍。另外咸蛋黄真材实料，完美咁样混合喺薯条入边，令人食到停唔到口真系够晒邪恶👾。
#咖啡雪糕（$38）
至于喺甜品方面我𠮶日就食咗呢个咖啡雪糕🍨，真系绝对可以用消暑嚟形容😈。我几钟意呢个咖啡雪糕嘅口感，个人觉得有少少似Gelato嘅口感👍，一样系有少少咬口。另外佢嘅咖啡冻都几好食，𢳂一啖雪糕再食啖咖啡冻真系够晒叹❤️。
评分以🌕表示（满分为5）
环境：🌕🌕🌕🌕🌑
卖相：🌕🌕🌕🌕🌑
味道：🌕🌕🌕🌕🌑
服务：🌕🌕🌕🌕🌑
张贴
