影片
更多
2023-06-16
66 浏览
去左一個月歐遊嘅鐵飯腳表示旅行期間想食越南菜，但係404🤣 一間都搵唔到～ 有求必應既我就book左越南餐廳Lúa🏮最驚喜係餐廳日日有唔同嘅駐場歌手，我地琴晚去，係歐美經典情歌x 鄭中基歌list 🎶 高質呢！➿ Lúα招牌素粉包炸兩 ($48)Lunch time咁岩又係jam左同事一舊炸兩😛 所以好好奇到底中式同越式嘅有咩分別～ 外型上，佢哋兩者都好似～ 而越式嘅油炸鬼部份就幼身啲同埋脆口啲，亦都有加入咗少少蔬菜絲，再蘸帶酸甜嘅醬汁食，成件事就比較健康啲，都幾開胃🤤➿ 大叻特色手打肉丸酸甜湯配法包 ($88)酸，總會喺東南亞菜式中常見嘅元素。手打肉丸大粒彈牙，酸甜湯嘅酸味溫和，連同肉丸加上芫荽一齊食，味道不錯～➿ 檸檬羅勒炒碎米飯伴柑桔鷄翼及豬串 ($128)愛好lemongrass嘅鐵飯腳食左一啖就好鍾意心心眼😍 好香好香既羅勒味滲入每啖細細粒既米飯粒入面🌿 鷄翼都幾入味，豬肉串肥瘦分明～ 整體嘅味道都幾襯夏天嘅感覺🌞🍋➿ 班蘭布甸法包配自家製椰子雪糕 ($128)同近年hit嘅布甸包差不多🍮 最大分別係形狀唔同🥖 法包烘得脆卜卜，布甸呈流心狀態，好香班蘭味💚➿ 凍越南百分百
去左一個月歐遊嘅鐵飯腳表示旅行期間想食越南菜，但係404🤣 一間都搵唔到～ 有求必應既我就book左越南餐廳Lúa🏮最驚喜係餐廳日日有唔同嘅駐場歌手，我地琴晚去，係歐美經典情歌x 鄭中基歌list 🎶 高質呢！
➿ Lúα招牌素粉包炸兩 ($48)
Lunch time咁岩又係jam左同事一舊炸兩😛 所以好好奇到底中式同越式嘅有咩分別～ 外型上，佢哋兩者都好似～ 而越式嘅油炸鬼部份就幼身啲同埋脆口啲，亦都有加入咗少少蔬菜絲，再蘸帶酸甜嘅醬汁食，成件事就比較健康啲，都幾開胃🤤
➿ 大叻特色手打肉丸酸甜湯配法包 ($88)
酸，總會喺東南亞菜式中常見嘅元素。手打肉丸大粒彈牙，酸甜湯嘅酸味溫和，連同肉丸加上芫荽一齊食，味道不錯～➿ 檸檬羅勒炒碎米飯伴柑桔鷄翼及豬串 ($128)
愛好lemongrass嘅鐵飯腳食左一啖就好鍾意心心眼😍 好香好香既羅勒味滲入每啖細細粒既米飯粒入面🌿 鷄翼都幾入味，豬肉串肥瘦分明～ 整體嘅味道都幾襯夏天嘅感覺🌞🍋➿ 班蘭布甸法包配自家製椰子雪糕 ($128)
同近年hit嘅布甸包差不多🍮 最大分別係形狀唔同🥖 法包烘得脆卜卜，布甸呈流心狀態，好香班蘭味💚➿ 凍越南百分百甘蔗汁配鹹柑桔 ($42)
係季節限定嘅飲品啊🌞 甘蔗滋養解熱，又係好岩夏天飲～ 鹹柑桔既鹹味🍊調和甘蔗嘅清甜，令到蔗味更突出！➿ 凍越南純天然青芒果汁配天然蜂蜜 ($58)
都係季節限定的☀️ 飲芒果汁最怕加左artificial嘅料🥭 但呢杯唔會，個名絕對冇改錯，味道真係好天然啊，又可以自己調配甜味😆
张贴
