形 (海天晉滙)

营业中

休息中

当晚同小朋友去完游乐场玩，就响附近睇吓有咩好嘢食，经过一间好似酒吧餐厅，再睇清楚原来系食东南亚菜既，见好耐都无食过，就入去试吓，环境同食物都唔错，重有桌球玩添。自家秘制秘必食鸡煲: 鲜嫩多汁的鸡肉煲，鸡肉熟度刚刚好，佢知道我有小朋友，仲特登唔加辣，用秘制酱汁，都非常入味。翠玉瓜 & 鹿儿岛黑毛猪肉片(火锅配料）: 翠玉瓜清爽，猪肉片嫩滑，放系鸡煲内一齐煮熟，吸收晒所有鸡汁精华，食落十分惹味。蒜蓉烤茄子:茄子响个烤盘上面，加咗好多蒜蓉烤，外层有啲焦香，味道浓郁，口感滑嫩。Virgin Colada: 呢款无酒精的饮品，由凤梨汁、椰浆同奶油混合而成，风味清新，带有热带风情，清新解渴。