潮食街 (已結業)

喺团购见到新蒲岗开咗间酒店，好似好多嘢食，而且价钱好合理，即刻买两张试吓。酒店嘅位置并唔系咁方便，而食物系好多样化，但无咩系特别好食，反而酒店设计时尚新颖有特色，装饰摆设亦比较吸引。生蚝系即开，但系冇咩海水鲜味。焗龙虾，虾肉唔多亦比较细只，味道系唔错嘅。涷虾，纽西兰青口，鳕场蟹脚，翡翠螺。涷虾新鲜，蟹脚亦唔太咸，而青口同翡翠螺色泽以及味道都唔太吸引。鹅肝，烧牛西冷我欣赏，鹅肝充满油香，用饼干减油腻感，无用多士咁厚，感觉无咁干。牛西冷大大件，颜色吸引又唔韧。烧味有叉烧，烧肉，豉油鸡。牛仔骨，鸡翼，焗鱼普通。羊架有肥膏，肉质仲系粉红，猪颈肉亦惹味。日式蒸水蛋配黑松露酱食唔出有黑松露味，反而烧肠类几好。即制烟肉磨菌白汁长通粉，啲汁够Creamy。甜品就无咩大惊喜。