鮨處松戶 (彩星集團大廈)

营业中

休息中

最近听同事介绍，公司附近有间隐世日本菜，评价都几好，终于都有机会嚟食吓。特上刺身拼盘刺身份量都几足，分别有吞拿鱼腩，赤贝，大赤虾，加拿大海胆，三文鱼子，吞拿鱼赤身，同埋两款白身鱼。相信款式会随着季节有改变，今日拼盘上嘅刺身都非常新鲜，而且有丰富油脂。海胆见到啲籽粒粒分明，食落唔苦唔系一阵怪味𠮶种，捞埋啲三文鱼子一齐食爆哂汁~冲绳苦瓜炒蛋一向唔食苦瓜嘅我哋决定试一试呢个店员推介嘅苦瓜炒蛋，真系完全唔苦，加埋木鱼嘅炒蛋味道劲夹，估唔到咁有惊喜。白鳝串烧劲厚肉嘅白鳝烧出嚟同坊间嘅鳗鱼好大分别，肉质超级弹牙同埋充满油脂，而且酱汁甜甜地，都几夹。冲绳猪手猪手烹调时间十分足够，令到猪手可以好淋，够晒入味，食得出煮嘅过程有用到酒，令到味道更升华。日式杂锦乌冬最后上嘅乌冬份量都唔细，有天妇罗虾、蟹柳、菜、菇、温泉蛋同鸡肉，都几多嘢食，够晒满足。总结餐厅喺同区来讲算收费合理，食物质素亦都系高于预期，加上装潢几有特色，所以都会推荐比朋友黎试下👍🏻。