鐘路雞林辣炖雞湯元祖

营业中

休息中

以前喺韓國嘅時候特別鍾意食奶奶雞同埋辣燉雞腿，估唔到香港而家都有辣燉雞！餐廳位置非常方便，喺時代廣場後面，餐廳座位非常闊落，即使四人坐卡位都尚有大量空間👍🏻👍🏻店員服務非常周到，為我們介紹咗好多關於餐牌上面嘅菜式同特別之處🥰我哋四個人叫咗一份大嘅辣燉雞，非常驚喜！辣燉雞上枱之後上面有兩大碗份量嘅蒜蓉，香味十足😍除咗辣雞之外，鍋中仲有年糕，薯仔以及其他配料✅如果食量唔大，淨係叫一個煲都夠，當然我哋食量驚人，另外叫咗好多小食！亦都覺得非常唔錯首先食辣雞鍋一定要叫紫菜粉絲卷啦！點啲湯汁再食非常好味入口香脆🤤另外我哋仲叫咗蟹籽紫菜飯團，可以用手整到一個波咁，好地道嘅食法！另外仲有泡菜煎餅，呢一度嘅泡菜煎餅全部係小圓餅，成塊都好香脆！最值得一題嘅就係芝士波！芝士波同外面嗰啲有啲唔同，外皮係用類似麵包嘅質地整嘅，有十足嘅飽肚感，呢個抵食呀🤣🤣🤣