影片
更多
2022-12-07
500 浏览
京都一の传🎎🎏🐣有日约咗个朋友仔谂住揾间有feel嘅日本餐厅坐低，倾吓计食吓好西，揾揾下就发现咗呢一间日本餐厅🥹环境相对上真系几舒服，真系去咗日本旅行咁，但系食物方面嘅性价比就无想像中咁高🤦🏻♀️🍲韩式黑豚泡菜锅 $178一打开个餐牌，因为本身我食唔到牛同生冷野，餐牌入边嘅选择可以话少咗大半😭 咁呢个煲如果要同韩国餐厅比，佢就会偏清淡少少，啲猪都系得几块😂仲要无其他配料加，就咁食一个煲系一定唔会够饱。佢入边会有四大旧豆腐，无中式𠮶啲咁重豆味，我朋友就非常钟意呢只豆腐，够滑够嫩。🍗盐烧鸡颈肉配青瓜醋 $38呢个有惊喜！之前一直食开都系猪颈肉未试过食鸡颈肉，啲肉都算嫩、味道亦够味，但最令我惊喜嘅系个青瓜醋，即刻变得劲有胃口🥹🌱汁烧大葱鸡肉 $68个汁好好味！佢烧到鸡皮同埋大葱嘅外皮都系脆卜卜，所以咬落去个口感几好，而且大葱索饱晒个酱汁，咬落去𠮶刻系好juicy😝但系如果呢个价钱，真系会觉得系水平范围内。🫘汁烧口扬豆腐 $28上枱𠮶阵吓亲😂就系得𠮶两旧，食𠮶刻会觉得系个汁救全家😅🍵鳗鱼茶渍饭 $108鳗鱼都烧得几脆，但如果最后都系要倒茶食的话都系会淋哂。个茶变淡味，要捞埋啲鳗鱼先叫做吊到到少
🐣有日约咗个朋友仔谂住揾间有feel嘅日本餐厅坐低，倾吓计食吓好西，揾揾下就发现咗呢一间日本餐厅🥹环境相对上真系几舒服，真系去咗日本旅行咁，但系食物方面嘅性价比就无想像中咁高🤦🏻♀️
🍲韩式黑豚泡菜锅 $178
一打开个餐牌，因为本身我食唔到牛同生冷野，餐牌入边嘅选择可以话少咗大半😭 咁呢个煲如果要同韩国餐厅比，佢就会偏清淡少少，啲猪都系得几块😂仲要无其他配料加，就咁食一个煲系一定唔会够饱。佢入边会有四大旧豆腐，无中式𠮶啲咁重豆味，我朋友就非常钟意呢只豆腐，够滑够嫩。
🍗盐烧鸡颈肉配青瓜醋 $38
呢个有惊喜！之前一直食开都系猪颈肉未试过食鸡颈肉，啲肉都算嫩、味道亦够味，但最令我惊喜嘅系个青瓜醋，即刻变得劲有胃口🥹
🌱汁烧大葱鸡肉 $68
个汁好好味！佢烧到鸡皮同埋大葱嘅外皮都系脆卜卜，所以咬落去个口感几好，而且大葱索饱晒个酱汁，咬落去𠮶刻系好juicy😝但系如果呢个价钱，真系会觉得系水平范围内。
🫘汁烧口扬豆腐 $28
上枱𠮶阵吓亲😂就系得𠮶两旧，食𠮶刻会觉得系个汁救全家😅
🍵鳗鱼茶渍饭 $108
鳗鱼都烧得几脆，但如果最后都系要倒茶食的话都系会淋哂。个茶变淡味，要捞埋啲鳗鱼先叫做吊到到少少味，我最后要落埋wasabi先叫做有啲味道。
🍰朱古力熔岩蛋糕配雪糕 $88
成餐饭食得最开心嘅就系呢个甜品
😂佢真系好味过好多甜品店，虽则佢系一个无做到流心嘅心太软，但系个蛋糕几乎系入口即溶，配埋啲浓郁嘅朱古力真系世一。而个抹茶雪糕唔会因为食完个朱古力而盖咗浸味，反而清清甜甜嘅感觉好似去咗腻感。
张贴
