影片
更多
2020-11-05
187 浏览
趁放假去花墟行，中午附近揾食，花园街呢段多餐厅，有啲想食饺子，就试下呢间。小舖一间，20个位左右，侍应老板都似系北方人，会用普通话夹杂外省话沟通。服务一般般，落单都系自己写纸仔再交单畀靓姐。饺子款式都算多有成10款以上，可选单款饺亦可双并，但双并要10只计。主食面饭、小吃都有唔少选择。自己点左一客白菜猪肉汤饺10只加鸡丝粉皮。10只饺子大小相若，有BB拳头左右咁大粒。望落去皮薄隐约见到馅料。咬落去薄皮、滑溜亦偏软腍身，馅肉味浓。未至于会爆汁，但都有少许肉汁流出。馅料猪肉无雪味，咬感肥瘦烟韧适中，唔会得散肉，亦都咬得到"菜渣"酿入肉当中。始终白菜味本身唔系重味，可韭菜、荠菜会食得到香气。温声提示一下，呢度做法系净水饺上，如果要汤记得讲声汤另上或连汤上，不过佢哋嘅汤并唔似附近出名饺子店系汤底闻名，只系普通猪肉汤味咁。豆瓣酱并唔算辣，个醋系黑醋嚟架，香味、酸度十分好! 至于个鸡丝粉皮，份量上都无呃人，卖相都唔差。花生碎、麻酱、青瓜丝、鸡丝及粉皮都有一个小山仔。材料应该系半准备好，由雪柜拎出嚟再摆盘，并唔系原碟喺雪柜拎出嚟，所以凉拌感比较好，唔系得个冰冻干硬。鸡丝量好足，夹亲都有咁济，而且个麻
小舖一间，20个位左右，侍应老板都似系北方人，会用普通话夹杂外省话沟通。服务一般般，落单都系自己写纸仔再交单畀靓姐。
饺子款式都算多有成10款以上，可选单款饺亦可双并，但双并要10只计。主食面饭、小吃都有唔少选择。自己点左一客白菜猪肉汤饺10只加鸡丝粉皮。
10只饺子大小相若，有BB拳头左右咁大粒。望落去皮薄隐约见到馅料。咬落去薄皮、滑溜亦偏软腍身，馅肉味浓。未至于会爆汁，但都有少许肉汁流出。馅料猪肉无雪味，咬感肥瘦烟韧适中，唔会得散肉，亦都咬得到"菜渣"酿入肉当中。始终白菜味本身唔系重味，可韭菜、荠菜会食得到香气。温声提示一下，呢度做法系净水饺上，如果要汤记得讲声汤另上或连汤上，不过佢哋嘅汤并唔似附近出名饺子店系汤底闻名，只系普通猪肉汤味咁。豆瓣酱并唔算辣，个醋系黑醋嚟架，香味、酸度十分好!
至于个鸡丝粉皮，份量上都无呃人，卖相都唔差。花生碎、麻酱、青瓜丝、鸡丝及粉皮都有一个小山仔。材料应该系半准备好，由雪柜拎出嚟再摆盘，并唔系原碟喺雪柜拎出嚟，所以凉拌感比较好，唔系得个冰冻干硬。鸡丝量好足，夹亲都有咁济，而且个麻酱以为落得少，原来捞匀晒系每条粉皮都会沾到。粉皮粗幼度似河粉，咬落唔干身，爽滑弹牙!
点咗两样食物都好好，无中伏。有机会下次试下并面食同点埋甜品食。虽然太子好多劲出名饺子店，呢间都尽量有自己特色，唔去硬撼汤底，混合啲北方口味。
张贴
