影片
更多
2022-06-04
196 浏览
我一直都有听过「鬼金棒」嘅大名，呢日中午专登同同事早啲行过去金马伦道试吓，皆因平日一点钟经过佢长期都有人排队😳。餐厅装修型格，其中吧枱厨房𠮶边火光红红🔥，师傅唔系喺入面拉呀拉，而系炒呀炒，莫非呢个系鬼金棒特色？🌶拉面有八款口味，不过其实分别唔太大，主要系啲配料有所唔同🍜。汤底得一款，但辣度同麻度可选，分别由无、小、中、高至鬼增。增量叉烧X2辣麻味噌拉面($135)，增量叉烧系呢碗拉面嘅主角，叫得增量果然系唔同啲！🐷增量叉烧长约十厘米，而且接近成吋厚，夸张到一个点，唔好忘记仲要有两嚿！肉质带点咬口，但肥瘦适中，油份都够。拉面嘅其他配料仲包括豆芽菜、玉米笋同韭菜葱。芫荽辣麻味噌拉面($110)，另一碗系芫荽口味💚，估唔到芫荽同汤底几夹㖞，无臭青味得嚟仲好香。🌶两碗拉面同样拣咗小辣，辣度老小咸宜；麻度就分别试咗小麻同中麻，两者确系有啲分别，但对比起四川米线𠮶种麻辣就显得有点小儿科，同期望中有少许落差。我哋额外加咗一只味玉🥚($15)，蛋嘅流心效果强劲，我轻轻用筷子笃穿，红红嘅蛋汁如泉涌出来。拉面面条得一款，软硬粗幼一律无得拣，哈哈😆。呢度嘅面偏粗身，口感几弹牙兼挂汤。总括嚟讲，呢日终于食咗久
我一直都有听过「鬼金棒」嘅大名，呢日中午专登同同事早啲行过去金马伦道试吓，皆因平日一点钟经过佢长期都有人排队😳。
餐厅装修型格，其中吧枱厨房𠮶边火光红红🔥，师傅唔系喺入面拉呀拉，而系炒呀炒，莫非呢个系鬼金棒特色？
🌶拉面有八款口味，不过其实分别唔太大，主要系啲配料有所唔同🍜。汤底得一款，但辣度同麻度可选，分别由无、小、中、高至鬼增。
增量叉烧X2辣麻味噌拉面($135)，增量叉烧系呢碗拉面嘅主角，叫得增量果然系唔同啲！🐷增量叉烧长约十厘米，而且接近成吋厚，夸张到一个点，唔好忘记仲要有两嚿！肉质带点咬口，但肥瘦适中，油份都够。拉面嘅其他配料仲包括豆芽菜、玉米笋同韭菜葱。
芫荽辣麻味噌拉面($110)，另一碗系芫荽口味💚，估唔到芫荽同汤底几夹㖞，无臭青味得嚟仲好香。🌶两碗拉面同样拣咗小辣，辣度老小咸宜；麻度就分别试咗小麻同中麻，两者确系有啲分别，但对比起四川米线𠮶种麻辣就显得有点小儿科，同期望中有少许落差。
我哋额外加咗一只味玉🥚($15)，蛋嘅流心效果强劲，我轻轻用筷子笃穿，红红嘅蛋汁如泉涌出来。
拉面面条得一款，软硬粗幼一律无得拣，哈哈😆。呢度嘅面偏粗身，口感几弹牙兼挂汤。
总括嚟讲，呢日终于食咗久仰大名嘅鬼金棒👺，麻辣拉面佢可算系第一人，起码我无喺其他地方食过。餐厅采用QR Code电子落单，但女店员几好人，愿意主动提供协助。
张贴
