享樂烘焙

营业中

休息中

每次经过呢间面包店都见到好多人排队买面包，今次就买咗几个返去试吓~我买左小山园抹茶麻糬牛角包，蓝莓忌廉芝士白种包，日式咖喱鸭胸包，蛋芝士火腿牛角包。超推荐抹茶麻糬牛角包，麻糬超级烟靭，配上出边牛角酥脆脆地，口感好有层次，而且入边系充满抹茶酱，好好食，成个配搭好夹!蓝莓忌廉芝士白种包，包嘅质地系比较软熟，不过略嫌忌廉芝士唔够，因为我系为左忌廉芝士而买嘅，所以有啲失望~咖喱鸭胸包，完全食唔到有咖喱嘅味道，普普通通。蛋芝士火腿牛角包，牛角包焗返热好脆，同蛋芝士火腿都好夹，都几好食。