龍門棧 (已結業)

一入到尼就觉得尼到好靓，好有格调，好岩慢慢系到叹杯茶食个包倾下计所有staff都系好醒目，好快手，又会主动帮手斟茶，抵赞！佢连茶都可以有好多choices架～好欣赏佢地一样野系，我同朋友两个人尼，不过佢有好多野食都系三件，佢都会主动问我地使咪转成两件，每样都会问一问，好贴心呀，而且最后上点心个下已经系分好一人一set🤣成件事系好decent咁样present出尼！我地叫左一个海胆春卷入面有啲虾亦有啲菜，海胆配落去完全带起成个味，好夹，春卷亦都炸得好脆！尼个就系我地转两件嘅点心喇小笼包蟹肉味好香，皮亦都够哂薄，多汁！超级钟意个烧卖，上面有带子，下面有超足够嘅虾，好正！虾饺个皮都系够哂薄，唔会同入面分开哂，手工好好！甜品都系一流架！