滾得棧

营业中

休息中

今日约咗两个朋友饮茶 ，佢哋提议来滚得栈， 呢度点心特别， 又唔贵， 一于嚟试下啦 。三个人点咗十个点心 ，果然有啲特式嘅点心。例如青介虾堡小汉堡， 两个滴滴式式嘅汉堡包仔 ，中间夹住虾饼 ，有啲青芥辣味， 真系几特别几好食。 有个冰镇话梅猪手， 酸酸甜甜， 猪手炆得够淋，一啲都唔漏。煎堆仔都唔错， 芝麻够晒香 ，唔会太甜 。白汁芝士蘑菇批鸡批， 都系好有特色， 批皮薄 ，焗得香 ，啲馅清爽唔漏， 摆盘又靓 ，好似酒店𠮶啲点心。 咸水角都值得推荐， 鲜炸脆卜卜 ，细细粒容易食。 其他的点心都不错， 唯有是环境比较狭窄 ，楼底矮， 虽然环境输蚀啲， 最紧要啲点心好食， 系值得回头嘅饮茶点。