熱沙咖啡 (已搬遷) 新店位置

每次谂起疫情前，每个月都会一大班人都会专登夹一日出去食饭，专登揾d好嘢食。而家又话限聚令，又限晚市服务时间，我哋都年几冇好好咁聚过啦！😱😱😱难得今次约咗其中一个好姊妹一齐入马湾行吓，顺便揾吓好嘢食。😘😘😘今次我哋就决定食土耳其菜，呢间餐厅以土耳其民族色彩为主提，所有装修，摆设，以及大部份餐具都各具特色。🤗🤗🤗热沙咖啡地址：马湾珀林路大街村东11号地舖土耳其鸡肉烤饼超好味呀！劲多鸡肉，烤饼软熟，沙律菜够新鲜，沙津汁唔系一般黑醋或芝麻酱，佢系酸酸甜甜之外，仲带有果香味，配合埋大大件又多鸡肉嘅烤饼，啱啱好中和返同解腻，配搭真系好好，颜色又靓，真系令人食指大动。👍👍👍土耳其特色饺子（羊肉）自家制土耳其饺子，细细粒，相当精致，食落，有咬口，有嚼劲，再配乳酪同青瓜，真系非常解腻，啱晒我哋边倾计，边慢慢食。🤣🤣🤣土耳其热沙咖啡即叫即系枱上即整，细细杯，上枱时，店员姐姐已帮忙冲了一杯，另外再比多一个小铁壶咖啡我哋，她介绍必须要等两分钟先饮，因为热沙咖啡系会有少少咖啡渣，所以要等一等佢沉淀，另外，土耳其人饮咖啡系会加少少糖，如果唔加糖嘅朋友，记得一早出声呀！呢杯咖啡好纯，好滑，完全唔会有酸味，我劲钟意。