影片
更多
2021-07-23
46 浏览
包贩子系一间主打特色fusion汉堡嘅cafe💛 呢年几以来，佢哋都坚持唔做晚市堂食，好可惜佢哋做到7月25日就结业喇🥺😭 之前一路bookmark咗好耐都未有机会去食，终于都系要到佢哋结业前几个星期先的起心肝去试～上次去嘅时候系星期日嘅中午12点半，等咗大约1个钟先有位，因为餐厅入面嘅座位唔多，而且无安排搭枱，我哋2个人去但好好彩可以坐喺窗边嘅4人枱～排队𠮶阵有得睇餐牌谂定食咩，不过墙上面仲有啲是日推介/期间限定嘅汉堡同饮品，系餐牌上面无写㗎～•🥢 牛油果紫菜软壳蟹包 $88个面包系包贩子自家制嘅，口感似丹麦酥咁外面酥脆，入面比较软身，而且带点牛油香～软壳蟹超大只，啲蟹脚同蟹钳凸晒出嚟，劲吸引🤩 炸衣好薄，炸到脆卜卜但又干身唔油，而且咬到入面仲发现只软壳蟹有啲蟹膏，好惹味😋个紫菜沙律酱闻落已经好香紫菜味，配炸嘢超夹，而且唔会好酸好抢味👍🏼 仲有好淋嘅牛油果片同埋生菜，食落清新啲～•🥢 北京填鸭包 $66呢款嘅面包同软壳蟹𠮶款一样～呢个Fusion配搭真系包贩子先有😛 入面有北京填鸭肉(连少少皮)、青瓜片同埋京葱丝，唔少得嘅就系北京填鸭嘅灵魂：甜面酱🤤 食落啖啖肉，超足料👍🏼 整体配搭
上次去嘅时候系星期日嘅中午12点半，等咗大约1个钟先有位，因为餐厅入面嘅座位唔多，而且无安排搭枱，我哋2个人去但好好彩可以坐喺窗边嘅4人枱～排队𠮶阵有得睇餐牌谂定食咩，不过墙上面仲有啲是日推介/期间限定嘅汉堡同饮品，系餐牌上面无写㗎～
•
🥢 牛油果紫菜软壳蟹包 $88
个面包系包贩子自家制嘅，口感似丹麦酥咁外面酥脆，入面比较软身，而且带点牛油香～
软壳蟹超大只，啲蟹脚同蟹钳凸晒出嚟，劲吸引🤩 炸衣好薄，炸到脆卜卜但又干身唔油，而且咬到入面仲发现只软壳蟹有啲蟹膏，好惹味😋个紫菜沙律酱闻落已经好香紫菜味，配炸嘢超夹，而且唔会好酸好抢味👍🏼 仲有好淋嘅牛油果片同埋生菜，食落清新啲～
•
🥢 北京填鸭包 $66
呢款嘅面包同软壳蟹𠮶款一样～呢个Fusion配搭真系包贩子先有😛 入面有北京填鸭肉(连少少皮)、青瓜片同埋京葱丝，唔少得嘅就系北京填鸭嘅灵魂：甜面酱🤤 食落啖啖肉，超足料👍🏼 整体配搭同个面包好夹，钟意食北京填鸭嘅真系要试！
•
🥢 陀地西多 $66
呢个西多系港式西多士嘅变奏版，下面系用包贩子自家制嘅面包整成嘅西多士，但平时食普通西多士会加嘅花生酱、糖浆、炼奶就变成花生味雪糕、焦糖浆、奶粉(?)，再加咗一啲花生糖粒，口感好丰富😋 上枱嘅时候圆形嘅西多热辣辣，加埋上面嘅雪糕仲有冰火嘅感觉🤤 而且个多士一啲都唔油腻，细细份真系每人2、3啖就食晒🤭
•
🥢 西柚柠檬梳打 $40
西柚同柠檬味都好出，酸酸哋加埋梳打，好啱热辣辣嘅夏天饮🥵 喺门口排咗一个钟队，饮呢杯梳打真系超爽，够晒清新解渴🤤😆
•
🥢 冻柠茶加啲thyme $40
呢杯系墙上面嘅限定饮品～啲冰比较大粒，所以开头要慢慢饮，但系啲冰溶晒都唔会太影响个味道~ 个柠茶嘅茶底系好饮嘅，而thyme嘅味就系香味为主，令到个柠茶有多一重香味，几清新，但又唔算好特别，份量亦都比梳打细杯差唔多一半，比较起嚟就无咁抵饮喇～🙈
张贴
