Flagship

营业中

休息中

位于湾仔船街尽头嘅Flagship，装潢好有特色，以古旧作为主要风格，好似入咗另一个时空咁。餐厅主推fusion菜，好有唔同国家混合嘅风味。 法国香草脆田螺好特别嘅开胃菜，因为「田螺壳」系用好似雪糕筒口感嘅脆饼造成嘅仿壳，所以成粒田螺都系可食用。冬荫功大虾扁意粉好香冬荫功味，酸酸辣辣食到停唔到。酸味比较重，增加味道层次；唔算太辣，冇咁食得辣嘅都唔怕。 千层脆窝夫油封鸭髀用咗太阳蛋，蛋汁令鸭髀多咗层蛋黄香味。鸭髀煮得非常腍甜，唔太咸，调味刚刚好。加咗窝夫，呢个配搭都几新颖，几特别。