茴香 (已結業)

最近好耐无食泰国菜，所以就去左尖沙咀山林道既一间泰国fusion菜【Fennel】食左个dinner啦。餐厅装修好精致、不过座位唔系算好多，最好先book位。餐厅最特别系佢地既salad bar，无限次数攞。今次就叫左晚餐4 courses dinner，包salad bar、餐汤、头盘同main。 Salad bar：有几款小食肉类芝士同3款沙律菜同水果，仲要有蟹脚（不过我对蟹过敏所以无食到）。个人觉得所有沙律食材都几新鲜，无晒就会再添。 餐汤—南瓜汤：同平时外面食既南瓜汤好唔同，南瓜似烧过先再整成汤，有种非常独特既香味。 头盘—泰式小食拼盘：分量超级多，同平时出面食到既小食好唔同。非常香脆、而且调味好特别。个人最推荐鱿鱼饼。 辣椒膏炒鱿鱼筒：原只鱿鱼加洋葱、三色椒炒落左辣椒膏非常惹味又唔会太辣。 Main—片皮鸭手工薄饼：每一块pizza上面都有好多片皮鸭肉、调味唔会太重，皮非常薄脆。 泰式西班牙海鲜炒饭：调味系泰式调味、但造型系西班牙海鲜饭，好多海鲜、调味特别，个人觉得油左少少。 宜家只要订座，就可以以优惠价换购特别菜色，星期二加$2就可以有泰式小食拼盘超级抵（星期五除外）。