影片
更多
2023-09-06
921 浏览
好味指数😋😋😋😋😋回头指数 ⭐️⭐️⭐️⭐️开心指数🤗🤗🤗🤗冇几耐之前食过西班牙Tapas 食得好开心，好钟意 Tapas 细细碟可以试好多款嘅感觉。今次同朋友食饭，我拣咗另一间西班牙餐厅试吓！餐厅有室内同室外空间，室外感觉好似 chill D，有风机，但依家天气仲系有少少热，都系坐室内😂Tapas 嘅选择好多，饮品list 好长，迷惘紧饮咩好，问店员有咩推介，店员安排咗调酒师介绍，问我哋饮唔饮酒，酒精浓度高低，有咩喜好后，就tailor-made两杯cocktail，special tailor cocktail $168 一杯，比起menu 嘅cocktail 只系多$10就有tailor-made，感觉好正～🍴Pandora's box颜色好靓，系渐变嘅颜色，上层系Tempranillo (红酒)，上网睇，原来呢款系西班牙国宝级嘅葡萄品种。下面系Gin + Campari + Chambor，另外再加蛋白同橙汁，呈现带红嘅橙色。第一啖饮落去系温和嘅红酒味，之后再饮，混合咗果香味，口感好滑，好饮！🍴Lady from Ulanara 调酒师话 Ulanara 系一个中国嘅姓氏，上网睇原来
回头指数 ⭐️⭐️⭐️⭐️
开心指数🤗🤗🤗🤗
冇几耐之前食过西班牙Tapas 食得好开心，好钟意 Tapas 细细碟可以试好多款嘅感觉。今次同朋友食饭，我拣咗另一间西班牙餐厅试吓！
餐厅有室内同室外空间，室外感觉好似 chill D，有风机，但依家天气仲系有少少热，都系坐室内😂
Tapas 嘅选择好多，饮品list 好长，迷惘紧饮咩好，问店员有咩推介，店员安排咗调酒师介绍，问我哋饮唔饮酒，酒精浓度高低，有咩喜好后，就tailor-made两杯cocktail，special tailor cocktail $168 一杯，比起menu 嘅cocktail 只系多$10就有tailor-made，感觉好正～
🍴Pandora's box
颜色好靓，系渐变嘅颜色，上层系Tempranillo (红酒)，上网睇，原来呢款系西班牙国宝级嘅葡萄品种。下面系Gin + Campari + Chambor，另外再加蛋白同橙汁，呈现带红嘅橙色。第一啖饮落去系温和嘅红酒味，之后再饮，混合咗果香味，口感好滑，好饮！
🍴Lady from Ulanara
调酒师话 Ulanara 系一个中国嘅姓氏，上网睇原来系满州八大姓氏之一！呢款酒系 Gin + Branca Menta，另外仲有黄桃、苹果汁同青瓜，杯酒系好清嘅金黄色，有种贵气感，一饮落去，味道比较甜，非常易入口，好爽身嘅口感，呢款好好饮！开头听到Branca Menta 系一款甘草味嘅酒时，有少少担心会唔钟意个味，但原来佢嘅轻盈甘草味同杯酒系好夹！我觉得调酒师设计饮品好有心思，呢款酒嘅感觉好有贵气皇族美女嘅外观同味道～
冻Tapas：
🍴蕃茄鳀鱼脆包（$75）
有人好钟意鳀鱼，有人觉得好嗅唔钟意，我唔记得自己有冇食过，就叫呢个试吓！我先试咗一啖鳀鱼，咸咸香香味道都唔差，冇嗅到怪味，夹埋新鲜番茄莎莎同蛋黄酱，balance 到清新同浓味，加埋好香脆面包嘅口感，好味！
蕃茄鳀鱼脆包
$75
18 浏览
0 赞好
0 留言
🍴椰香带子八爪鱼刺身薄片（$118）
之前见嘅八爪鱼冻Tapas 好多时都系配番茄橄榄油，呢款比较特别，系带子同八爪鱼刺身，仲有椰子蓉，刺身上面有椰子肉粒，口感上丰富D，椰子味亦比较轻盈，唔会盖过两款刺身嘅鲜甜味～
椰香带子八爪鱼刺身薄片
$118
21 浏览
0 赞好
0 留言
🍴塞拉诺白毛猪火腿（$108）
呢款系24个月嘅火腿，Jamón 系后腿，油香肉香比较均匀，24个月系中度风干，薄薄一片唔会太干仍然颇柔软，咸香味十足又唔会过咸，送酒一流！
塞拉诺白毛猪火腿
$108
15 浏览
0 赞好
0 留言
热Tapas：
🍴蚝仔蛋饼配芫荽蛋黄酱（$130）
本身对西班牙蛋饼已有既定嘅概念，谂紧加蚝仔好似有D 搅笑，但又令我非常好奇所以叫咗。外观好似冇咩特别，但食落非常有惊喜！切开，入面有蛋酱流出嚟，跌咗大大只非常饱满嘅蚝出嚟，一啖咬落蛋饼，个口感好好，因为薯仔系一层层薄片，入面都有芫荽，但唔算好浓味，蛋汁加酱汁好creamy，真系惊喜又好味！最搅笑系，同行嘅朋友一D 都唔钟意芫荽，虽然未至于完全放唔到入口，但会尽量避免，所以蛋饼上嘅芫荽由我搅掂！但系，佢竟然话入面嘅芫荽夹埋薯仔蛋饼同蚝系好好食，芫荽有佢嘅存在价值😂
蚝仔蛋饼配芫荽蛋黄酱
$130
12 浏览
0 赞好
0 留言
🍴香脆甜椒煎蟹饼（$128）
开头见到3粒细细粒，感觉好似好贵咁，但切开之后见到一丝丝嘅蟹肉系劲多，即刻觉得冇揸流滩！蟹饼好香脆，个酱汁带辣味，令个蟹饼味道更加惹味！
香脆甜椒煎蟹饼
$128
8 浏览
0 赞好
0 留言
🍴茴香茄酱煮蓝青口（$138）
青口份量都几多又够饱满，茴香番茄酱好浓厚，我觉得有落 chorizo～
茴香茄酱煮蓝青口
$138
8 浏览
0 赞好
0 留言
🍴炸布利芝士（$88）
外面香脆，咬开时要小心，入面好热，非常够咸香味呢～
炸布利芝士
$88
9 浏览
0 赞好
0 留言
Main：
🍴西班牙烤乳猪 1/4（$398）
乳猪皮好脆，咬开时会听到声音，肉桂苹果酱可以减轻猪嘅油腻感！
西班牙烤乳猪
$398
15 浏览
0 赞好
0 留言
Sweets：
🍴红丝绒油条配士多啤梨朱古力酱（$88）
油条外酥内软，士多啤梨朱古力酱，我感觉系士多啤梨味比较重，类似2/3，酸甜味比较突出，朱古力嘅浓厚味系个 base，配埋有肉桂砂糖嘅油条好夹！
红丝绒油条配士多啤梨朱古力酱
$88
11 浏览
0 赞好
0 留言
呢间餐厅将一D 比较传统嘅西班牙食品，作fusion 变化成为餐厅独有嘅菜式，系几特别又出奇咁夹，环境舒服有情调，店员嘅服务一流又细心，系一间会回头嘅餐厅！记得一定要订位，因为平日夜晚室内系full house，室外都有7成嘅入座，walk-in 可能只有室外位呢～
☆My IG @tracyloveliving ☆
张贴
