影片
更多
2024-10-15
1104 浏览
一个锅嘅大小，唔单止可以用尺寸衡量…50cm韩式海鲜锅 $380老实讲，今次系为咗呢个号称50cm长嘅韩式海鲜锅而嚟。结果最震撼我哋嘅，除咗系海鲜嘅种类同锅嘅长度，就系佢用咗两个Gas炉去加热，先啱啱够摆得落😱。讲返嘢食，个锅入边有肉蟹、原只鱿鱼、鲍鱼、青口、蚬肉、大虾，仲有虾仁、切碎咗嘅鱿鱼、冬菇、芽菜韭菜等等，多到我都数唔晒。佢系用辣汤嘅方法煲住啲海鲜，所以佢嘅重心并唔系完全食海鲜嘅鲜味，而系食佢吸咗辣汤后嘅效果。当中以蟹肉最反映到辣汤嘅味道。如果唔想咁辣，落单𠮶阵可以叫小辣。个汤亦都系锅嘅重心，酸甜咸兼备，亦够辣，同行人士自己滗咗两碗嚟饮😂。酱油虾(连饭) $260一共七只嘅酱油虾，连饭，二百零蚊我觉得几合理。虾系几大只，亦都吸收足够嘅酱油。不过食呢啲酱油海鲜，最重要系连饭食，咁先食到佢呢个组合最好嘅效果。饭本身有芝麻同紫菜碎，其实已经够味。济州柑Ade $58呢种气泡水果汁用柑嚟做嘅效果相当唔错，除咗够甜够冻，可以解一解海鲜嘅辣味，最紧要系打到卡👍😅！青柠梳打 $36如果唔想咁甜，就可以叫青柠梳打，解辣同解渴效果同样明显。另外要欣赏呢度嘅气氛，暗暗地但有足够嘅射灯，甚至可以坐室
50cm韩式海鲜锅 $380
老实讲，今次系为咗呢个号称50cm长嘅韩式海鲜锅而嚟。结果最震撼我哋嘅，除咗系海鲜嘅种类同锅嘅长度，就系佢用咗两个Gas炉去加热，先啱啱够摆得落😱。
讲返嘢食，个锅入边有肉蟹、原只鱿鱼、鲍鱼、青口、蚬肉、大虾，仲有虾仁、切碎咗嘅鱿鱼、冬菇、芽菜韭菜等等，多到我都数唔晒。佢系用辣汤嘅方法煲住啲海鲜，所以佢嘅重心并唔系完全食海鲜嘅鲜味，而系食佢吸咗辣汤后嘅效果。当中以蟹肉最反映到辣汤嘅味道。如果唔想咁辣，落单𠮶阵可以叫小辣。个汤亦都系锅嘅重心，酸甜咸兼备，亦够辣，同行人士自己滗咗两碗嚟饮😂。
酱油虾(连饭) $260
一共七只嘅酱油虾，连饭，二百零蚊我觉得几合理。虾系几大只，亦都吸收足够嘅酱油。不过食呢啲酱油海鲜，最重要系连饭食，咁先食到佢呢个组合最好嘅效果。饭本身有芝麻同紫菜碎，其实已经够味。
济州柑Ade $58
呢种气泡水果汁用柑嚟做嘅效果相当唔错，除咗够甜够冻，可以解一解海鲜嘅辣味，最紧要系打到卡👍😅！
青柠梳打 $36
如果唔想咁甜，就可以叫青柠梳打，解辣同解渴效果同样明显。
另外要欣赏呢度嘅气氛，暗暗地但有足够嘅射灯，甚至可以坐室外有帆布嘅地方，喺度食真系有啲韩国嘅影子。难怪喺门口佢都写住”Best Korean Restaurant in Hong Kong”。
张贴
