影片
更多
2024-11-14
1381 浏览
2024年10月24日 星期四今日难得同老婆一齐早收工，可以就去咗旺角行吓街，顺便食埋饭先再返屋企喺朗豪坊见到呢一间新餐厅，应该开张咗冇几耐，就决定入咗去试吓，见到里面嘅装修好似置身于韩国嘅街头咁，周围贴满咗韩国明星嘅海报，一枱一凳都好似系韩国街头小店用嘅款式，好有气氛餐牌上面有好多食物选择，讲得出嘅韩国食品都有提供，价钱唔算太贵，最后我哋决定要咗几款食物同一个锅，再加饮品等咗一阵首先嚟到嘅系饮品，分别系士多啤梨牛奶梳打同冻柚子茶，个梳打有好浓郁嘅士多啤梨香味，同牛奶梳打好夹，酸酸甜甜几开胃，而柚子茶就唔会太甜，饮完之后好润喉，啱晒食完炸嘢之后再饮之后食物开始陆续送到，有炸猪扒紫菜包饭，份量都唔细，每一嚿包饭都包得好大嚿，里面塞满咗馅料，包括红萝卜丝、蛋、青瓜同炸猪扒，食落去味道好丰富，唔会太过油腻，外面嘅紫菜都几脆口跟住当然有食韩国菜唔少得嘅炸鸡，我哋要咗一份冇骨炸鸡，蜂蜜牛油口味，每旧鸡都几大件，鸡皮脆卜卜，里面嘅鸡肉仍然保持嫩滑，再加上出面有蜂蜜牛油酱汁，食落去好惹味，食到停唔到口，而且餐厅仲有提供腌萝卜，令到食炸鸡之余，食返腌萝卜平衡一下口腔嘅味道呢个系马铃薯煎饼，煎得好香口，
今日难得同老婆一齐早收工，可以就去咗旺角行吓街，顺便食埋饭先再返屋企
喺朗豪坊见到呢一间新餐厅，应该开张咗冇几耐，就决定入咗去试吓，见到里面嘅装修好似置身于韩国嘅街头咁，周围贴满咗韩国明星嘅海报，一枱一凳都好似系韩国街头小店用嘅款式，好有气氛
餐牌上面有好多食物选择，讲得出嘅韩国食品都有提供，价钱唔算太贵，最后我哋决定要咗几款食物同一个锅，再加饮品
等咗一阵首先嚟到嘅系饮品，分别系士多啤梨牛奶梳打同冻柚子茶，个梳打有好浓郁嘅士多啤梨香味，同牛奶梳打好夹，酸酸甜甜几开胃，而柚子茶就唔会太甜，饮完之后好润喉，啱晒食完炸嘢之后再饮
之后食物开始陆续送到，有炸猪扒紫菜包饭，份量都唔细，每一嚿包饭都包得好大嚿，里面塞满咗馅料，包括红萝卜丝、蛋、青瓜同炸猪扒，食落去味道好丰富，唔会太过油腻，外面嘅紫菜都几脆口
跟住当然有食韩国菜唔少得嘅炸鸡，我哋要咗一份冇骨炸鸡，蜂蜜牛油口味，每旧鸡都几大件，鸡皮脆卜卜，里面嘅鸡肉仍然保持嫩滑，再加上出面有蜂蜜牛油酱汁，食落去好惹味，食到停唔到口，而且餐厅仲有提供腌萝卜，令到食炸鸡之余，食返腌萝卜平衡一下口腔嘅味道
呢个系马铃薯煎饼，煎得好香口，煎饼嘅边煎到脆卜卜，而且咬落去马铃薯丝好似芝士咁可以拉出嚟，而且份量都唔少，两个人食足够有余
最后有牛肉涮涮锅，牛肉同芽菜堆到成座山咁高，仲有冬菇、年糕同大葱添，真系劲多料，两个人完全食唔晒！！性价比非常高，牛肉渌到岩岩熟，唔会太韧，而下面既芽菜同生菜就吸收晒肉汁，最后我哋无办法之下都食净左少少，实在系太饱
最后埋单一千蚊有找，食左劲多野，当去左一转韩国食饭都抵
张贴
