意粉狂熱 (皇室堡) (已結業)

好姊妹带我食好野，去到间餐厅先知年几前去过，印象中食物质素都唔错😃，环境又好，可以慢慢享受。哩到叫意粉狂热，我估意粉喺卖点。当然要点个意粉试下，钟意哩款意粉够干身，无酱汁淋喺意粉上面，不油腻。白酒汁同蒜香好均匀被意粉吸收，好入味；蚬就冇沙粒，可以放心大啖大啖食落口😋。之后点左个西冷牛扒，牛扒上面有一格格网烧纹理，应该喺网烤过程中造成。牛扒个size都几大块，如果一个人食哂应该会几滞。牛扒大约5成熟，切开里面仲粉粉地色，肉质好淋，有牛味。牛扒边边约半吋位置喺脂肪位，脂肪位置超淋入口即溶。平时都唔会食脂肪位，不过哩块牛扒几高质，所以都食左少少，好满足😋又好怯疚。本身想试埋个薄饼，不过太饱嘅关系食唔落。好彩仲有个食甜品嘅胃🤣，所以点左个香蕉朱古力披萨。披萨即制即出，薄饼面层有些少焦糖，脆得黎有少少软身。香蕉🍌数量唔多，有几块调下味，不过反而冇咁滞👍🏼。最后要赞下个侍应哥哥，又靓仔又好笑容😉又有礼貌。