大甲芋圓

营业中

休息中

天水围糖水店唔多，食台式甜品更系少之有少。呢日经过天瑞，发现开左间食芋圆既糖水，即刻对佢心心眼。可能系闲日夜晚啦，唔算多人食。夜晚十一点黎到，本身谂住堂食，但见佢都开始执紧野，亦开始只做外卖，唯有买返屋企食啦。一睇menu，好多个糖水都好吸引，第一次食就梗系要试下佢个招牌大甲芋圆！而朋友就叫左个绿豆沙芋圆，两个糖水合共都系$53，廿几蚊一碗，价钱几合理㖞！招牌大甲芋圆，一开就见到大大旧芋头，芋圆都有十几粒，有大有细。大既入面有馅，细既就无馅。我个人就钟意无馅多ｄ，因为芋圆本身己经好饱，有馅就仲饱，搞唔掂！连我咁钟意食芋圆，都竟然会食剩d芋圆，就知几饱。成碗芋头味都几浓，不过西米就少左ｄ，唔系啖啖都食到西米。朋友食既绿豆沙，合格既！值得一赞系海带超多！而且唔太甜，岩晒深夜一食，无咁罪恶感。