狎鷗亭居酒屋

营业中

休息中

餐厅：狎鸥亭居酒屋地点：尖沙咀诺士佛台菜式：韩国菜餐牌：前菜、一品料理、火锅、汤类、炸煎炒类，烧烤类、饭面类、饮品先上前菜6小碟，包括菠菜，芽菜，辣腐皮，鱼仔，辣泡菜等，味道唔错，好丰富。生拌牛肉 $258 另加一生拌牛肉系招牌菜式！有大大个生牛肉球，份量好多，面头一只蛋黄，仲有香辣蒜片同白芝麻粒，捞埋之后食，味道唔错，好香麻油味，而口感冰冻，伴有爽甜梨丝，可以加添味道口感。伴有一片柠檬可以调味。薯仔汤 $398 另加一薯仔汤用个炉系你面前滚，冬日之选。材料包括八大件好淋猪骨，四大件薯仔，好多芽菜，大葱，芝麻叶，好多野食。个汤呈浅啡色，主要系芝麻种子味，味道好味得黎唔会太浓，刚刚好，我觉得有少少似淡面豉味，菜吸左个汤好好味。益力多沙冰 小 $148 另加一益力多沙冰一共有六杯左右，味道唔错，食到粒粒冰粒，解渴开胃。今餐食物质素唔错，服务员有地道韩国人，服务态度唔错。餐厅装修系居酒屋风格，感觉好有去左异地感觉。