点心代表 (已結業)

7月14去左食点心icon, 正值美少女战士主题。几年前岩岩开既时候食过一次，贵而且唔好食，服务态度差 所以无再食过。不过友人钟意美少女战士，咁咪俾多次机会睇下有无进步。其实都预左系食色素，味道唔会好得去边，当然结果同预期一样。咁waiters都一如以往态度，但今次有收银阿叔既比较下，我觉得waiters其实都唔系好差姐。收银阿叔既面色同眼红哂俾我既感觉似系饮醉左，我系排系一对台湾游客后面，咁其中一个女游客都好有礼貌咁问个收银，系咪可以要把美少女扇（免费派的），个收银系好恶好大声喝佢「得啦 阵间俾你啦」。然后个游客唔知系张credit card收据边个位签名，又系俾个收银闹，「唔系哩张呀」，再好rude咁掉张单落台俾个客。然后到我同友人埋单既时候，友人用apple pay俾钱，佢地部机load得太慢，搞到友人要系咁用face id解返个电话。个收银又忍唔住发火，我会形容佢系当客系狗咁 dxu, 佢系咁喝我友人，「未得呀！」当佢继续发紧我友人脾气既时候，我突然见到收银隔离块墙贴左张唔知咩机构颁既服务奖状纸，我吓到忍唔住指住张纸同我友人讲，「佢地竟然有服务奖wor」估唔到个收银都醉唔哂，都