Common Ground

营业中

休息中

呢个位置有两间cafe，有唔少外国人喺到放狗饮咖啡。Common ground采取半开放式设计，秋天可以感受凉意，夏天/冬天都应该会出大汗/冻冰冰。户外座位喺斜坡，枱凳虽有砖头平衡，但始终未系水平，要好小心。*Avocado toast $105多士铺上切片牛油蛋，牛油果新鲜够香，但多士略为普通。放上温泉蛋，刨一层菲达芝士、咸蛋黄碎。温泉蛋黄完美流心，但配软腍嘅牛油果，腍上加腍，口感麻麻地。芝士唔会太腥，但食唔出咸蛋黄味。Egg benedict $105英式松饼脆而唔干，烟三文鱼表面烧至半熟微焦，带鱼油香。放上温泉蛋，淋上荷兰酱，再轻轻烧至焦香。荷兰酱份量啱啱好，加上整体带烟熏、焦香味，令整件事唔会好腻。Latte $44咖啡偏酸，带玫瑰、橙香。比较细杯，奶泡细腻，有少少硬。