影片
更多
2022-07-01
1371 浏览
上星期会展举行宠物用品展，所以狗狗终于有机会出城喇，可以同我哋一齐去香港岛。原本系预约咗湾仔另一间宠物友善餐厅，但对方原来冇确认到Openrice的订座，所以最后就喺附近睇下其他餐厅。其实喺得呢个位置，基本上每间餐厅都设有室外用餐区，所以带埋狗狗入座完全唔系问题，而我哋拣呢间的原因，除咗系因为佢系我哋见到的第一间餐厅外（太懒喇），亦因为侍应知道我食素，同我讲午餐的是日意粉选项，可特别按我的饮食喜好，同厨师沟通而「度身订造」。我觉得呢个安排实在太贴心，而且肯定系即叫即做，保证新鲜。午餐系套餐，我点咗是日意粉（$128），而狗狗爸爸就要咗鸡胸杂菜（$138），跟餐有蕃茄汤或鸭胸沙律，另外可拣甜品（芒果奶冻）或咖啡/茶。侍应话如果想同时要甜品+饮品，可加$18。先嚟既系面包，面包烘完后仍然松软，配橄榄油同黑醋食，好好味。沙律唔吝啬，好大堆头，鸭胸都有5-6件，而且沙律菜新鲜。之后饮汤，以为一定被沙律比下去，点知依然有惊喜，因为好有由新鲜蕃茄打成汤的感觉，唔咸，有鲜味，好健康。之后到主菜。2个主菜份量唔细，狗狗爸爸果碟虽然鸡胸肉，但佢话鸡肉好滑，仲配上菠菜、烤薯、南瓜等，健康又好味。而意粉按我
原本系预约咗湾仔另一间宠物友善餐厅，但对方原来冇确认到Openrice的订座，所以最后就喺附近睇下其他餐厅。其实喺得呢个位置，基本上每间餐厅都设有室外用餐区，所以带埋狗狗入座完全唔系问题，而我哋拣呢间的原因，除咗系因为佢系我哋见到的第一间餐厅外（太懒喇），亦因为侍应知道我食素，同我讲午餐的是日意粉选项，可特别按我的饮食喜好，同厨师沟通而「度身订造」。我觉得呢个安排实在太贴心，而且肯定系即叫即做，保证新鲜。
午餐系套餐，我点咗是日意粉（$128），而狗狗爸爸就要咗鸡胸杂菜（$138），跟餐有蕃茄汤或鸭胸沙律，另外可拣甜品（芒果奶冻）或咖啡/茶。侍应话如果想同时要甜品+饮品，可加$18。
先嚟既系面包，面包烘完后仍然松软，配橄榄油同黑醋食，好好味。沙律唔吝啬，好大堆头，鸭胸都有5-6件，而且沙律菜新鲜。之后饮汤，以为一定被沙律比下去，点知依然有惊喜，因为好有由新鲜蕃茄打成汤的感觉，唔咸，有鲜味，好健康。
之后到主菜。2个主菜份量唔细，狗狗爸爸果碟虽然鸡胸肉，但佢话鸡肉好滑，仲配上菠菜、烤薯、南瓜等，健康又好味。而意粉按我要求，系杂菜扁意粉，好好味，唔识形容，总之味道系一啲都唔寡。侍应特别同我讲话，餐厅的厨师煮意粉好好手势架。
到最后就系拣甜品或餐饮，我有啲挣扎，因为好想试下芒果奶冻，侍应可能留意到，佢主动提出送甜品俾我哋！劲开心！因为成餐已经系令我好满足，好开心，最后餐厅咁慷慨送上甜品，绝对系完美句号。芒果奶冻有芒果鲜味，亦好滑。
餐厅的食物新鲜，意粉即叫即煮，而且每种食物调味都系好自然，唔会重口味，所以我觉得今次真系「错有错著」，虽然冇得去已订座的餐厅，但我都觉得嚟呢度午餐会系更好的选择。有机会的话一定会再帮衬。
张贴
