英都燒味廚房

营业中

休息中

见到近期英都烧味FB不断出Post 同 Story，心郁郁郁就去黄大仙试下。环境就系一般茶记咁，原本想食招牌烧味，口痕痕问个伙计有咩推介? 佢叫我试下"椒盐猪扒生虾松饭"，究竟我听左D乜嘢?  原来系鱼松个松，不过不是鱼，是虾松😆 。一落order，就立即听到个厨房有炒嘢声，原来即叫即整! 碟饭离远送过嚟，已经闻到香喷喷，猪扒够香够松化、虾松好似鱼饼咁啖啖肉，烟韧弹牙，再加埋椒盐、洋葱、青红椒配搭，卖相已经好吸引，热辣辣之余又非常惹味。𩠌够晒份量，同饭既比例亦刚刚好。伙计原本推介饮冻奶茶或冻柠茶，但系我见到墙身贴咗海报，有柠檬薏米水。大热天时，食咗碟椒盐猪扒饭，配番杯冻柠檬薏米水，真系超爽😬可以encore!