至友美點

营业中

休息中

上网见到元朗都有黄金糕食，见系附近做完facial, 特登过黎试一试佢门面系啲旧式茶楼格局，但环境光猛干净企理👍🏻春蛋烧卖，男友至爱。仲有窝蛋牛饭，金钱肚。点心热辣辣，牛肚入味又够冧猪润肠。肠粉皮太厚，猪润太细块，手指尾甘大，完全唔得🤢特别request要蒸萝白糕，店家好好帮我蒸❤️蒸糕再加豉油食其实好好味，不过肥仔男友就钟意煎，比较香口。萝白糕正常，都系粉多萝白少，腊味都唔算多，同依家一般酒楼食到既差唔多。最后系今餐主角，香煎黄金糕。煎比较脆口，口感烟靭，系我钟意既。有椰香味，唔知有无得成底买呢🙈🙈 终于都俾我揾到间系岩我口味既，因为唔多地方有，多数都要旧式酒楼先有得食。而且之前食过几间一系无味，一系太冧，唔够烟靭。相信我会成日黎帮衬，只为我最爱既黄金糕😋总结，点心味道一般，但胜在有怀旧点心食，而且价钱算平，更重要系，呢度可以感受到大财团无既小店人情味。