澳門咖喱王新鮮腩

营业中

休息中

今日午餐 去咗佐敦逛街， 顺便食嘢所以揾咗呢间澳门茶餐厅。 呢间餐厅标榜新鲜牛腩， 同埋有独特配方嘅澳门咖哩， 我见佢menu上面嘅厨师推介都系咖哩牛腩饭， 所以决定一战。舖头 唔算大 ，大概十几张枱， 整体感觉都算系干净， 而且店员服务都算周到。呢度上菜都算几快， 叫完个饭大概一分钟到就上菜。 个咖哩味系几特别， 同平时食嘅日本咖哩或者印度咖哩，泰国咖哩等味道差好远。 佢好集中系某一两种香料味， 但我个人觉得呢种香料味抢咗整体咖哩嘅味道， 牛腩都算系几新鲜， 煮嘅时间都算啱啱好， 口感同味道俱佳。一个饭配一杯饮品， 约莫六十几蚊价钱， 价钱正路。