一哥私房菜 (已結業)

陪3个朋友去佐敦做衫，佢地公司PARTY要礼服，等完度完身都7点几，就去揾野食。有人话冻冰冰想去打边炉，谂下谂下，有人话不如去一哥，之前佢食过有独立房，我地点嘈都得!原来呢度系食左个鸡煲先，之后就成个鸡煲拎走，有另一个煲俾你打边边唔使咁油，D鸡煲食完个底通常都好油，宜家无呢个忧虑了。个鸡煲黎到时已经好香，待应拎个鸡煲黎时连随个计时器来，计够三分钟就可以打开盖，炒下佢，过多两分钟就食得了!配料十足，鸡件嫩滑，味道唔浓唔太咸，食完无口渴既情况出现，鸡件煮完无缩水，仲有啖啖肉，但就唔系好入味。鸡煲可以无限添食，食够鸡煲先食蟹煲又得，食完鸡打完边炉再食鸡都得。鲜茄花甲野菌蟹锅满有蕃茄﹑粟米﹑薯仔﹑蟹件同唐芹等，只系汤底已经好鲜甜，蟹肉份量都唔小，好多呀!泰式生虾同三文鱼刺身刺身都好新鲜，由其系三文鱼，够大件同肥美。海鲜拼盘每日既配搭都会有唔同，他们说边样新鲜就入边样，无论蛏子﹑鲍鱼﹑龙趸﹑鲩鱼片﹑虾﹑象拔蚌﹑蚬﹑带子等通通十分新鲜，件件爽口鲜甜，十分有咬口，仲要好大只，滋味无比。牛颈脊呢排打边炉都中意食牛颈脊，因为油份唔多唔少，牛味亦重，雪花纹亦好平均，很靓，渌完都好香口。另外仲有响铃同生根球