影片
更多
2021-11-04
1310 浏览
今晚屋企无饭开，就约咗老死出嚟食饭，趁住要出旺角换啲信用卡礼物，所以，食饭选址于旺角区，加上老死住新界，近番旺角东站佢亦方便走人。最后，揾到嚟「苏杭冰室」，一来大家都钟意茶记，二来见佢上环店嘅风评不俗，再者，见佢啲扒餐好似几得，老死又想平平哋锯吓扒，所以，就定实晌度食。 旺角即喺旺角，人流多，踏进餐厅，一眼望落都乘几满，幸好茶记就喺快上快落，就算要等都唔会耐。餐厅环境唔玩怀旧，反而有啲北欧简约风，一室浅木色系，墙上挂咗唔少植物作点缀，啲灯饰亦几有风格，整体装修予人感觉清爽。 最钟意啲卡位，专登间高啲间板，咁样觉得防疫效果会更好，用餐都安心好多。加上整洁光猛，个人都醒神啲啦。 而枱面只放咗少少调味料，各样餐具就如大多数茶记咁，放晒晌侧旁嘅拉柜中，自由取用，唔使烦住啲侍应。 食物嘅选择上，一如茶记特色，包罗万有，仲有好多乜餐物餐。之但喺，佢哋亦有唔少招牌特色嘢，如煲仔面餐、招牌葱花滑蛋饭系列、推介扒餐……等等，最神奇，连梳乎厘班戟、火焰雪山都有。可惜今晚唔喺同老婆嚟，否则佢一定会试。饮品除茶记常见嘅之外，更有多款如无酒精鸡尾酒嘅「苏杭特饮」。烟肉忌廉汤扒餐包餐汤，但就只得一款忌廉汤，原以为
旺角即喺旺角，人流多，踏进餐厅，一眼望落都乘几满，幸好茶记就喺快上快落，就算要等都唔会耐。餐厅环境唔玩怀旧，反而有啲北欧简约风，一室浅木色系，墙上挂咗唔少植物作点缀，啲灯饰亦几有风格，整体装修予人感觉清爽。
最钟意啲卡位，专登间高啲间板，咁样觉得防疫效果会更好，用餐都安心好多。加上整洁光猛，个人都醒神啲啦。
而枱面只放咗少少调味料，各样餐具就如大多数茶记咁，放晒晌侧旁嘅拉柜中，自由取用，唔使烦住啲侍应。
食物嘅选择上，一如茶记特色，包罗万有，仲有好多乜餐物餐。之但喺，佢哋亦有唔少招牌特色嘢，如煲仔面餐、招牌葱花滑蛋饭系列、推介扒餐……等等，最神奇，连梳乎厘班戟、火焰雪山都有。可惜今晚唔喺同老婆嚟，否则佢一定会试。饮品除茶记常见嘅之外，更有多款如无酒精鸡尾酒嘅「苏杭特饮」。
烟肉忌廉汤扒餐包餐汤，但就只得一款忌廉汤，原以为只喺普普通通嘅忌廉汤，原来仲加咗好多烟肉碎，入口忌廉汤打得柔滑细致，却又有阵阵烟肉嘅咸香味。
炭烤西班牙有机猪鞍扒 $158老死话拣猪鞍扒，因为既来自西班牙，又喺有机饲养，心想自然质素会秤高啲。成品出嚟嘅卖相比餐牌好，以木钻板作餐碟，好似啲高级西餐厅咁。猪鞍扒外观烧得好靓仔，一条条坑纹纵横交错，一身炭火香，而猪鞍扒嘅份量亦唔少，好厚身，配上大量炸薯条及烤蔬菜。猪肉就一定要全熟，但切落感觉却喺非常之软腍，小弟都试咗一小件，入口好腍身，完全无粗嚡感，猪肉味的确稍胜一筹，确喺一件高质素嘅猪鞍扒。
炭烤西班牙有机猪鞍扒
$158
31 浏览
0 赞好
0 留言
炭烤纽西兰羊扒 $168小弟对几款扒餐都有兴趣，不过，羊扒就偏爱少少。我嘅炭烤纽西兰羊扒卖相一样唔失礼，一客有3支，烧得表面甚有炭火嘅焦香，非常诱人。肥膏唔多，所以，膻味唔算好犀利，但仍保持到羊肉𠮶种独特嘅味道，要咗5乘熟，食落外层带微焦，里面又腍又富肉汁，沾上少少黑椒汁，更香浓惹味。
炭烤纽西兰羊扒
$168
8 浏览
0 赞好
0 留言
幼身薯条炸得好香脆，唔油腻，而扒蔬菜亦无交行货，都喺啲靓嘢，如意大利青瓜、新鲜蘑菇、水果黄甜椒、烤原个蒜颈，睇得出喺诚意出品，仲几好食。
菠萝冰 +$9扒餐包基本热饮，冻饮加$3，特饮就加$9。老死话食扒就配啲清爽冻饮，所以，拣咗怀旧菠萝冰，原以为无咩特别，佢话菠萝似喺用上新鲜菠萝粒，非罐头货，原因一来菠萝嘅味道清甜啲，二来菠萝嘅形状较𪨷巉，唔似罐头货啲切口咁齐整。
奶茶红豆冰 +$9平常去茶记，十居其九都喺拣饮热奶茶嘅，不过，今晚锯扒，就转饮杯冻饮，最心水都喺奶茶，亦钟意红豆冰，所以，奶茶红豆冰就可以满足晒两个愿望。个茶底够晒香，再配以大大粒饱满嘅红豆，又腍又清甜，衬羊扒一样OK！
奶茶红豆冰
9 浏览
0 赞好
0 留言
张贴
