祥勝茶餐廳

营业中

休息中

之前去过顺兴食滑蛋虾仁饭既时候见到对面呢间祥胜茶餐厅都好多人等位，于是今日特登响铜锣湾行过黎食。星期六既下午一点黎到，门口好多人等外卖，一行入餐厅发现系典型既麻甩茶餐厅，一张枱要搭好多人。我被安排坐响中间路口位，所以不幸地被人撞左好多次。见到好多人都点猪扒饭，贪心既我就点左百搭捞面。呢碟捞面一上枱既时候真系哗左一声，因为感觉真系好茶餐厅，捞面上面除左有猪扒，仲有煎蛋，煎肠，午餐肉。猪扒咁多人食真系有原因，一咬落去感觉松软而不痴牙，煎得好香，十分入味。但个面就干而无味….有点失望。另外仲叫左旦牛治烘底，咸牛肉既份量好少，所以食落只感觉到煎蛋既味道，而冇牛肉既咸香，所以建议黎呢度都系食猪扒最稳阵!