羅富記粥麵專家 (已結業)

證人唔保持箴默，以下內容唔成為呈堂證供🤐中午有事處理，遲出門口，度度都多人排隊，但係飢寒交迫又趕時間情況下😫只能夠係上環區搵間有位坐既舖快食🙄雖然天口凍，但賣粥既羅富記都係唔駛等😕 一條友入去，都係比人塞搭枱，鬼叫係旺區中午，仲要遲咗咩😑 啲枱細到基本上兩個人坐都細，卡位單邊係唔夠坐四楷籮柚😥😥 無計，again, 這是旺區，嘢食有粥有麵，本來想嗌個油炸鬼，又係無😑 最後黎個皮蛋瘦同炸雲吞囉 （近來變咗炸雲吞控，搵個機會做炸雲吞點評😋）粥先上，粥底還算👌皮蛋唔散開已經妳好，可惜瘦肉痴埋一堆😥 炸雲吞超搞笑，佢係煎釀三寶黎架喎，你呃我唔到🤔🤔 明明係啲蝦🍤少量豬肉🐖放上塊皮度炸，完全無包好😮 大佬，你出門口都關好明窗啦，雲吞唔包起係乜玩法😵😵 不過呢，味道還好啦，炸熟咗，又好難係難食正如籠養雞一樣，狹窄空間點會食得開心☹️ 加上價錢一啲都唔抵，其實無乜事唔好試P. S. 成日話只出好評，中上，係因為有得揀，會小心揀😋 無得揀咪食得差啲囉😵