新龍城茶樓

营业中

休息中

彩虹站出边嘅牛池湾村，出边有各式各样嘅摊档，街市档。食方面就食烧鹅嘅”新志兴”。不过今日嚟到未开门，就去咗更有上一代茶楼特色嘅”新龙城茶楼”。其实我细个住过一段时间彩虹，但系都未嚟过呢头😅。“新龙城”同而家嘅茶楼一啲都唔同，冇环境(甚至系差)、冇服务，加水要自己去滚水间，所有点心要冲出去抢先有。不过另一方面睇，呢啲咁有特色嘅茶楼已经好少。点心方面，基本上一出就好多人排队抢，虽然好麻烦，好迫，而且好危险，但好处系唔使tick点心纸之后等，一拎就食得，非常滚热辣！另外有煎炸部煎糕同肠粉。最好食嘅分别有 1.煎肠粉 (惊人嘅香脆感) 2.鹌鹑蛋烧卖 3.鸭脚扎。如果只系以食物论，并唔系咩绝世美食，仲要冒着周围滚水湿地嘅危险冲出去抢，加上乌蝇同冷气机滴水，真系对环境有啲要求都唔好入去。不过呢度嘅气氛就有着难以抵抗嘅魔力，周围搭枱嘅食客都系笑容满面，斗抢完点心之后互望而笑，总算系一种另类体验。食完，都系好满足嘅😅。要注意佢嘅点心只系出到2点钟就冇晒。