影片
更多
2011-09-13
64 浏览
其实，我细佬由细到大，对猪形物体情有独钟！尤其系麦兜！即系只眼多个圈果只猪呢！ 8 月尾个星期六，我经过中环间 <美心西饼>，见到有麦兜月饼卖！ 真惊喜！于是，我先买张麦兜月饼劵，等到 9 月攞！不过，麦兜月饼真巴闭，唔系间间美心西饼有得攞，系指定分店！ 上环无一间分店攞得，唯有走番去中环德辅道中20号呢间！ 买盒嚟哄小朋友、女仔都 OK！ 我反而买嚟哄呢个大男孩嘅细佬！ 俾个惊喜佢啦！难得香港本土嘅美心西饼与麦家碧两者破天荒合作，创作成可爱麦兜主题月饼！ 大家见到会唔会唔舍得食呢？麦兜月饼 $118先讲包装，以一个麦兜、麦唛赏月图案环保袋装住，一拉开拉炼，会见到一个同样图案嘅铁皮箱，唔好忘记睇埋侧边，仲有佢哋班朋友仔喺度玩灯笼！ 打开个铁皮箱，有四个麦兜压纹月饼，分别有两款口味：蛋黄白莲蓉迷你月饼及红豆栗子迷你月饼，各两件！月饼 size 大过半岛月饼些少，相信揸住一个慢慢食，先够过瘾！ 但系我要斩开麦兜个头，俾大家睇吓馅料实况！( 听落好似几残忍！哈哈！) 红豆栗子迷你月饼 - 主要成份豆沙混合栗子粒，当我一切开个月饼，好似传统白莲蓉月饼嘅香味！ 因为加咗花生油
8 月尾个星期六，我经过中环间 <美心西饼>，见到有麦兜月饼卖！ 真惊喜！
于是，我先买张麦兜月饼劵，等到 9 月攞！不过，麦兜月饼真巴闭，唔系间间美心西饼有得攞，系指定分店！ 上环无一间分店攞得，唯有走番去中环德辅道中20号呢间！
买盒嚟哄小朋友、女仔都 OK！ 我反而买嚟哄呢个大男孩嘅细佬！ 俾个惊喜佢啦！难得香港本土嘅美心西饼与麦家碧两者破天荒合作，创作成可爱麦兜主题月饼！ 大家见到会唔会唔舍得食呢？麦兜月饼 $118
先讲包装，以一个麦兜、麦唛赏月图案环保袋装住，一拉开拉炼，会见到一个同样图案嘅铁皮箱，唔好忘记睇埋侧边，仲有佢哋班朋友仔喺度玩灯笼！ 打开个铁皮箱，有四个麦兜压纹月饼，分别有两款口味：蛋黄白莲蓉迷你月饼及红豆栗子迷你月饼，各两件！
月饼 size 大过半岛月饼些少，相信揸住一个慢慢食，先够过瘾！ 但系我要斩开麦兜个头，俾大家睇吓馅料实况！( 听落好似几残忍！哈哈！) 红豆栗子迷你月饼 - 主要成份豆沙混合栗子粒，当我一切开个月饼，好似传统白莲蓉月饼嘅香味！ 因为加咗花生油及莲子，甜味刚好！并非想像中咁甜！栗子粒系旧年货色！ 听妈咪讲，每年栗子只有一般短时间收成，今年买到嘅新鲜栗子，煮出嚟系偏黄；而旧栗子煮熟后，颜色较啡，所以月饼用嘅栗子系唔新鲜！依相片可见，栗子粒确实不多！
蛋黄白莲蓉迷你月饼 - 美心出品嘅白莲蓉月饼系最软滑！唔系太甜！但系入面粒蛋黄，似乎唔够一粒！ 可能系雪过关系，蛋黄显得有点干！迷你月饼真 CHEAP 兜！竟然一粒蛋黄都唔够！
我之前仲听过有愤怒鸟 Angry Birds 冰皮月饼，可能好快抢购一空！唔多觉眼！
张贴
