麥文記麵家

营业中

休息中

星期六要去佐敦买野，所以放工同男友去左佐敦揾食。佐敦最出名莫过于澳牛同麦文记，但就算落住雨，澳牛条人龙排到去街尾，反而麦文记短好多，所以lunch 去左食佢。入到去有卡位坐，但两位要坐埋一边搭枱，都几迫。啲侍应算客气，比我地坐低慢慢谂食咩。最后我地叫左云吞捞粗，同南乳猪手捞面。云吞有五粒，唔算好大粒，但啲虾好爽，味道都唔错，粗面有咬口，够弹牙又无碱水味，抵赞 ! 南乳猪手舖满碟，只只都大大旧，个南乳汁好香浓，配捞面一绝，猪手够入味亦唔算好硬，但如果可以炆得再林啲会仲好。正常捞面都会配碗汤，但佢碗汤一啲都唔好饮，我试左一啖就放弃左佢。