麥當勞

营业中

休息中

平日早上，难得放假，走过来呢间冇乜人嘅麦当劳食吓早餐。见到有猪扒早餐，就试吓，感觉好似健康啲，唔系加工嘅汉堡扒。用手机落单，如果用PayMe俾钱仲有$5优惠券可以扣。扣完都要$32.5，坐喺位用手机落完单，等咗10分钟左右终于有得拎。打开个盒，猪扒比想像中细块，蛋嘅份量亦都比想像中少。餐具而家都系用上木嘅餐具，感觉比以前环保。但起初切猪扒嘅时候，都有考虑过把刀够唔够力，结果都切到嘅。块猪扒咸咗少少，好彩细细块姐。蛋同包同薯饼就正常发挥。加咗两蚊要热磨咖啡，感觉比平时多咗啲奶。